Skip to main content

IA: Inissiisarfiit utaqqiisaagallartut utaqqisunik ikilisaasinnaapput

Pinerluuteqarsimasut singernermikkut ikkussiffigineqartalernerisigut aamma Kangerlussuarmi utaqqiisaagallartumik inissiisarfeqalernikkut pinerluuteqarsimasunut inissiisarfimmut inissinneqartussatut utaqqisoqarsoqartarnera pillugu ajornartorsiut aaqqiiffigineqarsinnaavoq.

Inuit Ataqatigiit (IA) illoqarfinni anginerusuni pinerluuteqarsimasut singernermikkut ikkussiffigineqarlutik pineqaatissinneqarsinnaanerat atuutsittussanngortikkusuppaat,  meeqqanummi kingunerlutsitsisinnaammat innarliisimasunik angalaaginnartunik

naapitsineq.

Partii taamatut nalunaaruteqarpoq, KNR-ip qaammammi matumani siusinnerusukkut oqaluttuarimmagu, pineqaatsissinneqarsimasut 64-it pineqaatissinneqarsimasunut inissiisarfimmiilernissamik tungaanut inuiaqatigiinni akuusut.

KNR naapertorlugu inissiisarfimmut inissinneqarnissamut utaqqisunit 15-it meeqqanut kinguaassiuutitigut pinerluuteqarsimasutut pineqaatissinneqarsimasuupput.

Inunnut ulorianaatilimmik pinerluuteqarsimasut salliutinneqartariaqartut

IA-millu isumaqartoqarpoq, tamanna naammaginanngilluinnartoq, taamalu ajornartorsiummut aaqqiissutissatut singernikkut ikkussisarnissaq Kangerlussuarmilu utaqqiisaasumik inissiisarfiliortoqartariaqartoq:

- Pinerluuteqarsimasut parnaaruttariaqarpavut. Inissiisarfiiillu ullumikkut inissaqartitsinngippata, singernikkut ikkussisarneq atuutsinneqartariaqarpoq. Ukiorpassuarni iliuuseqartoqarani tamanna politikkikkut oqaluuserineqartarsimavoq.

- Tamanna pisinnaanngippat Kangerlussuarmi utaqqiisaagallartumik inissiisarfiliortoqartariaqarpoq. Inunnut ulorianaatilimmik pinerluuteqarsimasut inissiisarfinnut inissinneqartarnissaat suli annertunerusumik pingaartinneqarnerusariaqarpoq, annikinnerusunillu pinerluuteqarsimasunut singernikkut ikkussisarneq atorneqartarluni. Pinerluffigineqarsimasunummi pinerluuteqarsimasut inuiaqatigiinni akuuginnartut takullugit kingunerlutsitsinnaavoq, IA sinnerlugu Folketingimi ilaasortaq Aaja Chemnitz Larsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER