Skip to main content

IA: EU-mut isumaqatigiissut misissorneqassaaq

Nunatta EU-mut isumaqatigiissutaa IA-p iternga tikillugu misissoqquaa. 1985-imi EU-mut isumaqatigiissuteqarnermi aalisagartassiissutit tunniunneqarsimasut tigoqqinneqarnissaat partiip kissaatigaa.

EU-mut isumaqatigissutit 1985-imiilli atuuttoq misissuiffigineqarnissaanut periarfissanngortoq Inuit Ataqatigiit siulittaasuat Sara Olsvig isumaqarpoq. EU Nunatta imartaani aalisarsinnaaneranut isumaqatigiissutaa aningaasarpassuarnik piusaqaasersukkanik nalilinik pineqarluni.

- Allanngortoqangaatsiarsimavoq

- 1985-imi isumaqatigiissusiornerup kingorna  pissutsit allannguuteqangaatsiarsimapput. Aalisagartassiissuutit EU-mut tunniussimasatta ilaat tigusinnaanerinut periarfissaqarneranut naqissusiisussamik misissuititserusuppugut, Sara Olsvig ataasinngornermi tusagassiortunik katersortitsinermi oqarpoq, tassani partii aalisarnermut inatsisissatut siunnersuutaa nutaaq saqqummiunneqarluni.

EU nunatta imartaani aalisarsinnaajumalluni nunatsinnut aningaasarpassuarnik tunisisartoq ilisimaqarfigaa.

Isertitat annertusissapput

- Nunatta karsianut isertitat amerlisassavagut. Tamanna qanoq pitsaanerpaamik angusinnaaneripput misissorneqassaaq, Sara Olsvig oqarpoq, Kalaallit Nunaallu Tuluit Nunaat EU-mit anippat pitsaasumik isumaqatigineqarnissaa pingaaruteqartoq ilanngullugu tikkuarpaa. 

- Tuluit Nunaat raajat pillugit pingaarutilimmik ullumikkut niueqatigaarput, Sara Olsvig oqarpoq. Tuluit Nunaatalu EU-mit ilaasortaajunnaarneranut suleqatiginninnissaa pingaartillugu.

Nunat assigiinngitsut akornanni, soorlu Canadamut Islandimullu attaveqarniarneq Sara Olsvigip nukittorsarneqarnissaa aamma pingaartippaa. Ruslandimuttaaq Norgemullu pisassuutinik paarlaaqatigiittoqartarnissaa aamma eqqaallugu.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER