Skip to main content

IA Siumumit marloriaammik siunnersuuteqarnerusut

Inatsisartut ukiaanerani ataatsimiinnissaanut atatillugu inatsisinik allannguutissanik nutarterinissanilluunniit siunnersuuteqarput

Inatsisartut ukiaanerani ataatsimiinnissaanut atatillugu Inuit Ataqatigiit 36-nik siunnersuuteqarput, Siumut 15-nik siunnersuuteqartoq.

Radioavisip partiinik apersuinerani tamanna paasinarsivoq.

Siunnersuutissanik tunniussaqarnissamut piffissaliussaq tallimanngormat nallermat, inatsisissatut siunnersuutit katillugit 71-it partiinit nassiunneqarsimapput.

Tunngaviusumik inatsit
Siumut aamma Parti Naleraq isumalioqatigiissitamik kalaallit tunngaviusumik inatsisitaarnissaat pillugu isummersuiffiussamik pilersinitsinissamik siunnersuuteqarput.

Nunatsinni Danmarkimilu ilinniagallit pitsaanerusunik atugassaqartinnissaasa saniatigut Inuit Ataqatigiit siunnersuutigisaasa pingaarnersaat tassaaavoq illersornissamik isumaqatigiissutip allanngortinneqarnissaanik siunnersuut. Parti Naleraq assingusumik aamma siunnersuuteqarpoq.

Siumumit ilisimatitsissutigineqarpoq siunnersuutit 15-it Inatsisartuni suliassanngorlugit nassiunneqarsimasut, Atassullu allannguutissatut siunnersuutinik arfiniliinnarnik nassiussisimavoq. Demokraatit tallimanik siunnersuuteqarput, Partii Naleraq qulingiluanik siunnersuuteqartut.

Siunnersuuterpassuit
Partiini Inuit Ataqatigiit allannguutissatut siunnersuuteqarnerpaapput. Partiimi 36-nik siunnersuuteqarpoq.

Inuit Ataqatigiillu allannguutissatut siunnersuutinik 27-nik nassiussisimapput.

Utaqqiisaasumik inigisat tunineqarnissaat
Ilinniartitaanerup nutarsarneqarsinnaaneranik Demokraatit siunnersuuteqarput, Atassutip siunnersuutigaa pisortani atorfillit soraaraangata utaqqiisaatillugu inigisaat tunineqartalissasut. 

Siunnersuutigineqartut tamarmik Inatsisartunit saqqummiunneqangajalerput. Inatsisartut ukiaanerani ataatsimiinnerat septembarip 25-ani aallarnerneqassaaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER