Skip to main content

IA-mit qinigassanngortittut Issittumi uumasuusiviliornissamut sulissuteqarniarput

Kujataani Issittumi uumasuusiviliortoqarpat periarfissarpassuarnik ammaassaaq, Kujataani IA-meersut marluk isumaqarput

Kujataani Issittumi Uumasuusivimmik pilersitsisoqartariaqarpoq.

Lasse Davidsen aamma Didda Isaksen Kujataani Inuit Ataqatigiinneersut isumaqarput.

Pilersinneqarnerani Verdensnaturfonden WWF, ICC, Namminersorlutik Oqartussat, KNAPK, SIK, savaatillit, sulisitsisut aamma soqutigisaqaqatigiiffik allat suleqatigineqartariaqartut taakku isumaqarput.

Kommunimi pingaarnertut anguniakkat ilaat
- Siullermik kommunalbestyrelsip nutaassap sulinissaani siullermi partiit tamarmik ukiuni sisamani anguniagaat inissinneqarpata - una qulequtaq pilersaarusiorneq pingaarnerit ilaattut aallartissavaa, tamanna illuatungeriit tamarmik peqataatillugit pissaaq, Lasse Davidsen aamma Didda Isaksen allapput.

Uumasut qanimut takuneqarnissaannut amigaateqartoqartoq taakku erseqqissapput.

- Kujataani Kangerluppassuaqarpugut illoqarfiit pingasut inissisimaffigalugit nunaminertallu piukkunnarluinnartut atoriaannaallugit.

Uumasunut soqutiginninneq
- Uumasuutissavut makkua aallarniutaasinnaapput: Nannut, puisaativut arlaqaqisut, qilalukkat, aarrit, arferit mikisut, amaqqut, umimmaat, tuttut, savat, kapisillit, eqaluit, kanassut, saarulliit, kigitillit/qeeqqat, kinguppaat, saagissut, narlormukaat, teriannissat ilami timmiarpassuutivut ilanngunneqarsinnaalluarput.

- Uumasuutigut assigiinngitsut inunnit soqutigineqaleriartussapput, tamatumalu aamma takornarissat soqutiginnilersissinnaavaat. Taamaaliornikkut nutaamik aningaasarsiortoqarsinnaavoq, Lasse Davidsen aamma Didda Isaksen oqarput.

Kujataani Issittumi uumasuusiviliorneq inuiaqatigiinnut annertuumik  iluaqutaanissaa taakku qularutiginngilaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER