Aleqap atornerluinera

IA qinersisoqarnissaanik piumasaqarpoq

Siumut isumaqatiginninniaraluartoq IA-mit itigartinneqarpoq. Inuit Ataqatigiit siulittaasuat Sara Olsvig oqarpoq qinersinissaq kisimi periarfissaalersoq

Inuit Ataqatigiit siulittaasuat Sara Olsvig

Inuit Ataqatigiinnit qinersisoqarnissaanik piumasaqarneq suli attanneqarpoq. Siumup isumaqatiginninniaraluarnera itigartinneqarpoq. Tassa Siumut Inuit Ataqatigiinnit Naalakkersueqataarusunnersut aperisimagaluarpaat.

Siumup Atassutillu Naalakkersuisooqatigiinnerat atorunnaarmat Inuit Ataqatigiit siulersuisui ataatsimiipput. Naalakkersuisut sisamat tunuarnerat pissutigalugu qinersisoqartariaqartoq Inuit Ataqatigiinnit oqatigineqarpoq.

- Siumumi kina siulittaasuunersoq ilisimaneqanngilaq. Kim Kielsen Naalakkersuisut siulittaasuattut atorfeqarallarnersoq imaluunniit Aleqa Hammond siulittaasuunersoq ilisimanngilarput, Inuit Ataqatigiit siulersuisuuneri ataatsimeeqatigeereersut Sara Olsvig oqarpoq.

Siumut Inuit Ataqatigiinnut Naalakkersuisooqatigiinnissamut isumaqatiginninniaraluarsimasoq nalunaarutigineqarpoq. Aamma suut naalakkersuisoqarfiit tiguneqarusunnersut apersuutigineqarsimagaluarpoq. Tassungali Inuit Ataqatigiit peqataajumanngilaq.

- Innuttaasut aperisariaqarpavut kikkunnik tatiginninnersut. Taamaattumik qinersisoqarnissaanik suaaruteqartoqarnissaa piumasaraarput, Sara Olsvig oqarpoq.

Siumup Inatsisartuni gruppia aamma Naalakkersuisooqatigiit avissaareersut ataatsimiipput. Ataatsimeeqatigeereermatali oqaaseqarusuttoqanngilaq.

Powered by Labrador CMS