isornartorsiuineq
IA: Qaasuitsup Kommuniata avinneqarnera tuaviuussaavoq
Avannaani kommunimik avitsininiarneq Naalakkersuisut aalajangiusimaannassagunikku, Sara Olsvig ernumassuteqarpoq
Kommunit aaaqqissuuteqqinneqarnerat 2009-imeersoq, kommunit sorlliit avinneqarsinnaassanersut oqaluuserilinnginnerini, ataatsimut nalilersorneqaqqaartariaqartut Inuit Ataqatigiit isumaqarput.
Atuaruk: Qaasuitsup Kommunia 1. januar 2018-imi avinneqassaaq
- Nunarput ataatsimut isummerfiginngikkutsigu tukattuliamik nutaamik pilersitsiinnassaagut, partiip siulittaasua Sara Olsvig (IA) tusagassiuutinut nalunaarummi allappoq.
Atuaruk: Avannaani kommunit avinnerannut arlaannaaluunniit akileerusunngiaq
Naalakkersuisoqatigiinnermut isumaqatigiissummi Qaasuitsup Kommuniani innuttaasunik taasititsineq malinneqassasoq, Naalakkersuisut aalajangiusimareerpaat, tassani avinneqarnissaa akuerineqarnikuuvoq.
Atuaruk: Qaasuitsoq: Kommunep avinnissaa amerlanerussuteqarluartut taperserpaat
Marlunnut avinneqassasoq
Sermitsiami saqqummertumi kingullermi Naalakkersuisut siulittaasuata Kim Kielsenip (S) erseqqissaatigaa, kommuninut marlunnut avinneqassasoq, tassa Kangaatsiaq, Aasiaat, Qasigiannguit aamma Qeqertarsuaq, aappaanilu Ilulissat, Upernavik, Uummannaq aamma Qaanaaq.
Atuaruk: Qaasuitsoq taamaallaat marlunngorlugu avinneqassaaq
IA: Nunaqarfinni aqutsisut nukittorsarneqarlik
Tamatumali qanimut oqartussaaqataanermik ajornartorsiutip aaqqinnavianngikkaa, IA isumaqarpoq.
- Assersuutigalugu Qaasuitsup Kommuneata siunnersuutigineqartutut marlunnut avinneqassappat qanoq Uummannamut, Upernavimmut Qaanaamullu iluaqutaassava, illoqarfinnut avannarpasissunut Ilulissat suli allaffissornikkut aqutsivittut inissisimassappat?, Sara Olsvig (IA) aperivoq.
Atuaruk: Avannaani kommunit avinnerannut arlaannaaluunniit akileerusunngiaq
Partii illuatungiliuttoq tassunga taarsiullugu najukkami siunnersuisoqatigiinnik pilersitserusuppoq, nunaqarfinnilu aqutsisut nukittorsarlugit, taamaalillutik oqartussaanerulissallutik.
Kommunip katiterneqarnera Qaasuitsup aqunnerliorujussuaraa, taassuma saniatigut isumaqarfigaa.
- Kommunimi aqutsinerlunermik ilaatigut aallaaveqarpoq pitsaanerujussuarmillu aqutsisoqarsimasariaqaraluarluni, Sara Olsvig allappoq.