Skip to main content

IA piumasaqarpoq: Aalisarnikkut peqquserluttoqarsimasinnaanera misissorneqarli

Aalisarnikkut peqquserluttoqarsimanera WikiLeaks aqqutigalugu saqqummiunneqartumi Kalaallit Nunaat ilaatigut aamma ilanngunneqarpoq: - Naalakkersuisut misissuisitsisariaqarput, IA-p politikkikkut oqaaseqartartua oqarpoq

Islandimi aalisarnikkut peqquserluttoqarsimaneranik Wikileaksimit saqqummiunneqartumi Inuit Ataqatigiit Naalakkersuisunut piumasaqarput. Kalaallit Nunaat suliamut qanoq attuumassuteqarnersoq Naalakkersuisunit misissorneqartariaqartoq partii isumaqarpoq.

Polar Seafoodip siulersuisunut siulittaasua Henrik Leth peqquserloqataasimanerarlugu Islandimiut tusagassiiviisa ilaat allaaseraa. 

Tamanna peqqutaalluni una misissuiffigineqartariaqartoq Aqqaluaq B. Egede isumaqarpoq.

Erngertumik misissuiffigineqartariaqartoq

- Inuiaqatigiit pisuussutaat uummassusillit uummaatsullu atugassanngortinneqartarnerat niuerutigineqartarnerallu eqqortumik ingerlanneqartarnersoq misissorneqartariaqarput. Pisassiissutit piginnittunut aalajangersimasunut ”pigisassanngortitaasut” naapertuilluartumik aqunneqarnersut kikkulluunniit apeqqusersinnaasariaqarpaat. Apeqqusiisoqartilluguli akissutissat eqqortut pissarsiarineqarsinnaasariaqarput. Akissutissat eqqortut misissuisoqarsimatinnagu ajornakusoortuupput, misissuititsisoqarnissaa piaartumik pisariaqartinneqarpoq, IA-p nittartagaanut oqarpoq.

Erngertumik misissuiffigineqartariaqalersoq isumaqarpoq.

- Isertuusserpalaartuunngitsumik ammasumik inuiaqatigiit nunatsinni nunarsuarmioqatittalu apeqquusiisimatillugit akissutissat eqqortut qulaajarneqartariaqarput. Isumaqanngilanga nunatta avataannut niuerneq nunatsinnilu aalisagartassiisarneq naammattumik paasissutissanik aamma naalakkersuinikkut pigisaqartoqartoq. Ukiut arlallit oqallisaasimavoq aalisarnermi aningaasat ingerlaarnerat misissuiffigineqassasoq. Suliassaq paamaarunneqarsimaqaaq, aamma soqutigisaqartut tamatigorluinnaq peqataatillugit taakkua akissuteqaatigisaat aallaavigalugit paasissutissiinerit ingerlanneqakkajuttarmata. Inuiaqatigiit pisuussutaat pillugit misissuisoqassappat suligasuartussanik attuumassuteqanngitsunik, aamma soqutigisarsiunngitsunik misissuititsisoqartariaqarpoq. Tamannalu Naalakkersuisut piaartumik isumagisariaqaraat Inuit Ataqatigiinniit kaammattuutigaarput, Aqqaluaq B. Egede oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER