Skip to main content

IA: Pituffimmut tunngasumut suliami danskit naalakkersuisuisa sumiginnarpaatigut

Pituffimmi kiffartuussinissamut isumaqatigiissutip annaaneqarnera pillugu Folketingimi oqallittoqassaaq pingasunngorpat. Tamanna pillugu Sara Olsvigip Johan Lund Olsenillu danskit naalakkersuisuinut isornartorsiuipput

Pituffimmi kiffartuussinissamut isumaqatigiissutip annaaneqarneranut Siumut aamma Inuit Ataqatigiit annertuumik qaammatini kingullerni isornartorsiuipput. 

Exelis Services/Vectrusip Pituffimmi kiffartuussinissamut isumaqatigiissuteqarsimanera pillugu Folketingimi oqallittoqassaaq pingasunngorpat. Inuit Ataqatigiit danskit naalakkersuisuinut isornartumik allagaqarput. 

Aviisimi Sermitsiami Sara Olsvigip Johan Lund Olsenillu kronikkiliaanni allapput danskit naalakkersuisuisa USA EU-lu Naalagaaffeqatigiinnermiit pingaartinnerutikkaat. 

IA: Suliaq ajuusaarnartoq
- Kalaallit Nunaata isertitassaraluani millionit arlaqartut annaariaannaavai, isumaqatigiissut aaqqiivigineqarmat. 200 million koruunit annaaneqariaannaasut assigaat, Nunatta Karsiata akileraarutitigut isertittagaasa 10 procentiisa missaat. Tamanna pinngitsoorani sunniuteqartussaavoq. Uumitsannartua unaavoq, isumaqatigiissutissamik piareersaalluni suliap tamarmiusup ilimanarsisimmagu, danskit tungaanniit kalaallit soqutigisaat Amerikamiut soqutigisaannut naleqqiullugit isiginngitsuusaarneqarsimasut, Olsvig aamma Lund Olsen allapput. Kronikkumi allappaat danskit naalagaaffiat Pituffimmi kiffartuussinissamik isumaqatigiissutip annaaneqarneranut pisooqataajunerpaasut allappaat. 

- Danskit naalakkersuisuisa suliami matumani Naalagaaffeqatigiinneq ikorfartorlugulu nukittorsarumallugu suliassamik suliarinnissimannginnerannut suna patsisaava? Sooq EU-mi inatsisiliornerup – Danmarkip malitassaata – Kalaallit Nunaat EU-mut ilaasortaanngitsoq ajoqusissavaa? Isumaqarpugut danskit naalakkersuisuisa pingaarnersiuinerat kukkusoq, ajuusaarnangaarporlu danskit naalakkersuisui paatsoorneqarsinnaanngitsumik Naalagaaffeqatigiffiup soqutigisaanik sorsuutiginninngimmata, Sara Olsvig aamma Johan Lund Olsen allapput. 

Naalakkersuisut pisuutikkaat qanittumi
Pituffimmi kiffartuussinissamut isumaqatigiissut 'Naalakkersuisunit annaaneqartoq' Inuit Ataqatigiinnit sapaatip akunnerata siuliani oqaatigineqarpoq. 

- IA-p naliliinera inerniliineralu neqerooruteqartitsinerup qanorpiaq ingerlasimaneranik tunngaveqanngilluinnarpoq, Naalakkersuisut IA-mut akissuteqarput.

- Taamaammat Naalakkersuisut kiffartuussinissamik isumaqatigiissummik maangaannartitsisimaneraaneq piviusorsiortuunngilaq aamma Kalaallit Nunaata Danmark qanittumik suleqatigalugu suliami tassani USA-mut Kalaallit Nunaata soqutigisai suliariniarlugit aqqusaarsimasaanut tunngatillugu ingerlasimanermut tunngatillugu eqqarsaatigilluagaanani, Naalakkersuisut allapput.

Pituffik pillugu kronikki aviisimi Sermitsiami tamaat atuarneqarsinnaavoq. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER