IA-p timmisartut isumannaatsuunissaat pillugu isertuussisoqarneraasoqarnera ilumuunnginnerarneqarpoq

Naalakkersuisut aamma Kalaallit Airports A/S-ip timmisartut isumannaatsuunissaat annertuumik pingaartimmassuk attaveqaqatigiinnermut naalakkersuisoq oqarpoq

Karl Frederik Danielsen, formand for IMAK, mener ikke, at alle skoler er lige godt klædt på til at skulle undervise de helt små børn i engelsk.

Nuummi mittarfissamut isumannaallisaanermut tunngatillugu, IA Naalakkersuisunut sakkortuumik isornartorsiuivoq. Naalakkersuisut pissutsit piviusut nipangiussisimasutut pasivaat.

Isornartorsiuinerli attaveqaqatigiinnermut naalakkersuisumit Karl Frederik Danielsenimit ilumuunnginnerarneqarpoq, timmisartunik isumannaallisaanermut tunngatillugu piviusunik Naalakkersuisut nipangiussinngitsut oqaatigaa.

Immikkuullarissuseqanngitsoq
- Erseqqissassavara Naalakkersuisut aamma Kalaallit Airports A/S-ip soorunami timmisartut isumannaatsuunissaat annertuumik pingaartimmassuk. Akuersissut 2017-imi Nuummi nutaamik mittarfiliornissamut Kalaallit Airports A/S-imut akuersissutaasoq immikkuullarissuteqanngilaq, naalakkersuisoq tusagassiutinut nalunaarummi allappoq.

Mittarfiit pioreersut, soorlu assersuutigalugu Kangerlussuaq, Narsarsuaq aamma Paamiut immikkut ittumik akuersissuteqarfigineqarlutik aamma ingerlasut ilisimatitsissutigaa.

- Immikkut akuersissuteqarnernut aamma akuersissuteqarnernut tamaginnut Danmarkimi Trafikstyrelsen (timmisartumik angalanermut oqartussaq) tunniussisuusarpoq. Trafikstyrelsen tassaavoq suliani taamaattuni sulianut oqartussaq eqqortoq aamma aalajangiisussaq, aammalu immikkut ittumik akuersissuteqarnissaq sioqqullugu nalilersuinermik pisariaqartumik suliaqartarpoq, Karl Frederik Danielsen oqarpoq.

Isumannaallisaaneq
- Immikkut ittumik akuersissuteqarfigineqarneq tupinnartuliaanngilaq. Kalaallit Nunaanni mittarfiliornermi nalinginnaanerusumik atorneqarpoq. Aamma Savalimmiuni mittarfimmut tunngatillugu taamanna atuuppoq.

Immikkut ittumik akuersissuteqarneq, isumannaallisaanerup annikillisinneqarneranik isumaqanngitsoq naqissuserpaa.

- Tamanna isumaqarpoq, piumasaqaatit saneqqunneqarnissaannut immikkut ittumik akuersissuteqartoqarpat, allanik aaqqiissutissanik iluarsiisoqartarpoq tassunga taarsiissutissamik. Taamaalilluni isumannaallisaaneq timmisartumik angalanermut oqartussat pisariaqartutut naliligaattut annertussuseqartuaannarnissaa qulakkeerneqartarpoq. Naalakkersuisut aamma Kalaallit Airports A/S timmisartut isumannaatsuunissaat annikillisinnavianngilaat – aamma Danmarkimi Trafikstyrelsen taamaaliornavianngilaq.

Politikkikkut aalajangigassaanngitsoq
Danmarkimi Trafikstyrelsen toqqaannartumik timmisartumik angalanermik suliaqartunut maleruagassat nalinginnaasut saneqqunnissaannut immikkut ittumik akuersissuteqarnissamut piginnaatitaalluni, inatsisit aaqqissugaasut aamma ilisimatitsissutigaa.

- Immikkut ittumik akuersissuteqarneq malittarisassat aalajangersagaasut, FN-imi timmisartumik angallanermut kattuffimmit ICAO-mit akuerineqartut, iluanni pisarpoq. Tamannarpiaq pissutigalugu Naalakkersuisut imaluunniit Inatsisartut immikkut ittumik akuersissuteqartoqartillugu akuutinneqarneq ajorput, tassami immikkut ittumik akuersissuteqarneq politikkikkut suliassaanngimmat, kisianni maleruagassat atuuttut naapertorlugit suliatigut nalilersuineq tunngavigalugu pisarluni. Taamaattumik mittarfissat nutaat taakkua soorunami nunani tamalaani malitassanik naammassinniffiupput, Karl Frederik Danielsen oqarpoq.

Powered by Labrador CMS