Skip to main content

IA-p siulittaasuata naalakkersuisoqatigiit 15. april kingorna saqqummiussinnaassanerarpai

IA-p siulittaasuata Múte Boruup Egedep partiit arlallit oqaloqatigillattaalereerpai.

Nunatsinni naalakkersuisoqatigiinnissamut isumaqatigiissut tulleq sapaatip akunnera qaangiutereerpat inississangatinneqarpoq.

Inuit Ataqatigiit siulittaasua Múte Bourup Egede nutaarsiassaqartitsivimmut KNR-imut oqarpoq.

- Pisariaqartipparput ullorpaalunnguani suli oqaloqatigiinnivut ingerlalluassallugit suleqatigiittussallu pilersissallugit. Qaammammi matumani 15-iaareerpat isumaqatigiissusiorsimanissarput naatsorsuutigineqassaaq, IA-p siulittaasua oqarpoq.

IA qinersinermi partiitut angininngorpoq, taamatullu naalakkersuisoqatigiiliornissamut periarfissamik tigummiartuulluni. Partii Inatsisartuni aqqaneq-marlunnik issiasuutitaqalerpoq. Amerlanerussuteqassagaannilu ikinnerpaamik 16-inik issiasuutitaqartoqartariaqarpoq.

Múte Bourup Egede ilisimatitsivoq kaffesoqatigiilluni oqaloqatigiinnerit pingasunngornermi aallartereersimasut.

IA naalakkersuisoqatigiinnissamut isumaqatigiissusiorsinnaaguni 1975-imiilli aatsaat aappassaat naalakkersuisut siulittaasuat Siumumeersuussanngilaq.

Siumut qinersinermi nunatsinni partiitut annerpaatut inissisimajunnaarpoq. Taamaasilluni Kim Kielsen Naalakkersuisut siulittaasuattut inissisimajunnaarpoq.

Múte Bourup Egede KNR naapertorlugu oqarpoq partiit oqaloqatigineqarsimasutut tunuliaquttaminnik oqaloqateqareerpata isumaqatiginninniarnerit aallartissasut.

Aprilip 15-ata tungaanut partiit arlallit ataatsimeeqatigineqartussaapput.

- Taamaalillutalu piffissami qanittumi oqaloqatigiinnerit ineritaqarfiusut aammalu isumaqatiginninniarnerit ilumut kikkut suleqatigisinnaannerlugit aammalu suleqatigiinneq ataqqeqatigiinnermik, torersumik aammalu naaperiarsinnaanermik tunngaveqartoq - aammalu ukiuni sisamani naalakkersuisooqatigiinnik atuuttussanik pilersitsinissamut tunngavissiisinnaasoq, innuttaasunut torersumik ingerlatsinissap tunngavissinnissaanut sulissuugut, KNR naapertorlugu Muté B. Egede taama oqarpoq.

IA ilisimatitsereerpoq Kujataani Kuannersuarni aatsitassarsiornissamik unitsitsiniarluni. Taassuma saniatigut partii atugarissaarnerunissamik, peqqinnissakkut aamma avatangiisinut tunngasunik suliniuteqassaaq.

Naalakkersiusoqataasinnaasoq tassaavoq Naleraq. Partii sisamanik qinigaatitaqarpoq, partiilu aamma Kuannersuarnut naaggaartuulluni. Partiit taakku marluk ilaasortaatitaat katikkaanni Inatsisartuni amerlanerussuteqarneq anguneqassaaq.

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER