IA-p nalliuttorsiorneq malunnartippaa

1976-imi novembarip arfineq-pingajuanni inuusuttut pikitsitsiumasut aasianni isumassarsioqatigiipput, Inuit Ataqatigiillu ataqatigiiffimmik pilersitsiput.

Sunniiniarlutik suliniartut
Naligisami isumaliortaaseq nunarsuarmi nunat kippasissuni inuusuttut pikitsitsinerisa nalaanniippoq, aamma kiffaanngisutsimik inuillu pisinnaatitaaffiinik anguniagaqatigiiffinnut tapersersuineq Vietnamimi, USA-mi aamma Nordirlandimi taamani pipput. Tamakkuninngalu isumaliortaatsit partiimit nutaamit pingaartinneqarput, aallaqqaammullu sunniiniarlutik suliniaqatigiiffitut imminnut isigisimapput.

Namminersornerulernermut akerliuneq
Namminersornerulerneq eqqunneqarmat IA aamma akerliusimavoq. Partiip sukkanerusumik Danmarkimut atajunnaarnissaq kissaatigisimagaluarpaa.

Inuusuttut suliniaqatigiit maanna partiimut naalakkersuinikkut akisussaasunngorlutik ineriartorsimapput. 1983-imiilli naalakkersuisoqatigiinnut peqataasarsimapput, ilisimaneqartutullu 2009-mit 2013-imut IA-p Naalakkersuisut siuttuuffigaat.

Naleqartitat
Partiip maanna siulittaasua, Sara Olsvig, partiip ineriartornermi tunngaviusumik anguniakkat najoqqutariuarsimagai.

- Tunngaviusumillu siunnerfivut politikkerpullu tunngaviusumik naleqartitariuarsimasatsinnit aallaaveqartuarsimapput, taanna nalliuttorsiornermut atatillugu allappoq.

Taanna naapertorlugu naleqartitat tassaapput, naligiinneq, assigiinngisitaarneq, imminut napatinneq aamma nunarsuarmioqatigiinnut alakkaamasaqarneq.