Skip to main content

IA-p London Miningip piginnittortaavi pillugit nalunaaruteqarneq ippigaa

Inuit Ataqatigiit Naalakkersuisut London Miningip piginnittortaavi pillugit tusagassiuutitigut nalunaaruteqannginnerminni Inatsisartut ilisimateqqaarsimanngimmatigit eqqumiigaat

Naalakkersuisut sapaatip akunnerani kingullermi sisamanngornermi tusagassiuutitigut nalunaaruteqarlutik ilisimatitsissutigaat London Mining Greenland kinamiunit pigineqalersimasoq, London Mining Greenlandip piginnittuata akiliisinnaajunnaareernerata kinguneranik.

Kisianni Inuit Ataqatigiit Inatsisartuni ilaasortaatitaata, Naaja Nathanielsenip, eqqumiigaa sooq Inatsisartut Aatsitassanut Ataatsimiititaliaat, avammut tusagassiuutitigut nalunaaruteqannginnermi, ilisimateqqaarsimannginnersoq.

- Eqqumiigaara Naalakkersuisut avammut nalunaaruteqannginnerminni Inatsisartut Aatsitassanut Ataatsimiititaliaannik ilisimatitsinnissaq pisariaqartutut isigisimanngim-massuk, Naaja Nathanielsen Naalakkersuisunut paragraf 37 najoqqutaralugu apeqquteqaateqarnermini taama allappoq. Imalu nangippoq: 

- Inatsisit atuuttut naapertorlugit taamaaliortoqarsimasariaqaraluartoq isumaqarpunga. Inatsisilerinerli pineqaraangat assigiinngitsunik paasinnittoqarsinnaasarpoq. 

Atuaruk: Kinamiut London Mining Greenland pigilerpaat

Tusagassiorfitsigut nalunaarummi Naalakkersuisut piginnittunngortut nutaat ilisaritippaat tamatumalu inuiaqatigiinnut qanoq isumaqarnera ilisimasitsissutigineqarluni. Aamma saviminissamik piiaavissamik Isukasiani pilersitsiniarnerluni suliniutip qanoq ingerlanneqarnera ilisimasitsissutigineqarpoq. 

- Taamaattumik Naalakkersuisut Aatsitassanut Inatsimmi paragraf 4, imm. 3, Naalakkersuisut Inatsisartunut ilisimatitsinissamik pisussaaffeqarnerannut tunngasoq, Naalakkersuisut qanoq paasineraat tusassallugu soqutigaara.  

Aatsitassanut Inatsimmi paragraf 4, Imm. 3-mi ima allassimasoqarpoq:
 
- Sammisanik aalajangiussisoqartinnagu inuiaqatigiinnut imaluunniit avatangiisinut pingaarutilimmik sunniuteqarsinnaasut pissutsit pillugit sammisanik Inatsisartut ataanni ataatsimiititaliamut pingaarutilimmut Naalakkersuisut ilisimatsitsissapput.

Naaja Nathanielsenimi isumaqarpoq Isukasiani saviminissamik piiaavimmik pilersitsisoqassappat, tamanna inuiaqatigiinnut avatangiisinullu annertuumik sunniuteqassasoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER