Skip to main content

IA-p Inuusuttai: Inuusuttut suliffissaaleqinerat inuiaqatigiit ajornartorsiutigaat

Inuusuttut Ataqatigiit inuusuttut suliffissaaleqinerat ajornartorsiutitut isigineqarnersoq apeqquserpaat

- Ilumut inuusuttortagut suliffeqarfinnut attaveqannginnerat ajornartorsiutaanngitsutut isiginerparput? 

Inuusuttut Ataqatigiit siulersuisui taamak oqallissaarusiaminni aperipput.

IA-p inuusuttaasa arlaleriarlutik inuusuttut suliffissaaleqinerat pillugu oqallinnissamik ujartuisarput.

- Nunatta Naatsorsueqqissaartarfia malillugu inuusuttut 19 aamma 29 akornanni ukiullit 1413-it suliffissarsiortutut nalunaarsorneqarsimapput. Tassa suliffissaaleqinerup procentinngortinneqarnerani 35,6 procentii inuusuttuullutik. Aammali inuusuttut suliffissaaleqinerat kisitsisinik ersarinnerusunik ilisimasaqarfinngilarput, naluarpummi inuusuttut 18-it ataallugit ukiullit qassit suliffeqarfinnut attuumassuteqarnersut. Nalunngisarpulli tassaavoq inuusuttorpassuit meeqqat atuarfiata kingorna ilinniaqqiffiusunut ingerlaqqinngittoortartut.

Politikkikkut iliuuseqaqqusisut
- Politikkikkut iliuusissamik inuusuttut suliffissaaleqinerat akiorniarlugu ersarissumik politikkeqartariaqarpugut. Naalakkersuisut siuliisa ajornartorsiutip qitia avaqqullgu eqqarsaataanniissimavoq Piareersarfinni atuartut amerlassusaasa marloriaatinngornissaat. Ullumikkumullu Naalakkersuisunngorsimasut nutaat suli erseqqissumik siunnersuuteqarsimanngillat qanoq iliorluni inuusuttut suliffissaaleqinerat akiorniarneqassanersoq. Taamaattumillu politikkikkut iliuusissamik massakkorpiaq ujartuivugut. 

Inatsisartuni oqallinnissamut piareertut
Inatsisartut oqaluuserisassaat malillugu Inatsisartut inuusuttut suliffissaaleqinerat pillugu apeqquteqaat aallavigalugu 27. maj oqallisissapput. Tamannalu IA-p inuusuttaasa Inatsisartunut ilaasortaatitaminnut kissaatigisimavaat.

- Inuusuttut suliffissaaleqinerat pillugu oqallinnermik annerusumik kissaateqarpugut. Kattuffissuit KANUKOKA, SIK aamma GE-itut ittut qanoq inuusuttut suliffissaaleqinerannut isumaqarpat? Qanoq isumaqarpat itisiliisumik inuusuttut suliffissaaleqinerat pillugu misissuinermik nassaassaqqannginneranut?

- Inuusuttut Ataqatigiit isumaqarpugut inuusuttut suliffissaaleqinerat inuiaqatigiittut ajornartorsiutigigipput, tamattalu innuuttaaqataasugut ajornartorsiut iliuuseqarfigisassasut isigisariaqarparput, taamaaliunngikkuttami siunissami atungarissaarnermut kikkut tunniussaqassagamik?, Inuusuttut Ataqatigiit oqallissaarutiminni taama naggaasiipput.

IAp Inuusuttaat: Inuusuttorpassuit suliffissaaleqisuunerat aarlerinarpoq

IAp Inuusuttaat: Inuusuttut suliffissaaleqinerat ima anigorneqassaaq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER