IA-p Folketingimut ilaasortaatitaa naligiinnissamik piumasaqarpoq

Folketingimi ataasinngornermi ammaanersiornermi oqallittoqarpoq, tassani folketingimut ilaasortat ministeriunerup Lars Løkke Rasmussenip (V) sisamanngormat nalunaarusiaa oqallisigaat.

Naalagaaffeqatigiinnermi suleqatigiinneq naalakkersuisut tunngavianni, siulia assigalugu sooq allaqqajunnaarsimanersoq allaqqajunnaarsimanersoq, folketingimut ilaasortap Aaja Chemnitz Larsenip (IA) tupigusuutigaa.

Atuaruk: Hammond: Pitsanngorsaasoqassasoq naatsorsuutigaara

Naligiinnissaq piumasarigaa
- Kalaallit folketingimut ilaasortat Kalaallit Nunaannut tunngasunik isumaqatigiinniarnernut tunngasunut toqqaannartumik peqataatinneqarsinnaanngippata, taava Naalagaaffeqatigiinnermi naligiimmik naalakkersuisut kissaateqarnersut nalornissutigilerpara, Aaja Chemnitz Larsen oqalugiartarfimmit ataasinngormat oqarpoq.

Kalaallit Nunaat atugarissaarnissamut akissaqassaguni, inatsiseqarnermi aamma isumaginninnermi iliuuseqartoqarnissaa pisariaqartoq, taassuma saniatigut erseqqissaatigaa.

- Kisianni aamma inuussutissarsiornikkut ineriartortitsinissamik aamma aningaasaliinissamik tamanna pisariaqartitsivoq, tamannalu nunanik tamalaanik suleqateqarnermik pisariaqartitsivoq. Taamaammat naalagaaffeqatigiit tamarmik Brexit isumaqatiginninniutiginissaanut naalakkersuisut pilersaarmata nuannaarutigaarput.

Atuaruk: Naalakkersuisut nutaat piviusunngortut

Inatsisilerinermut ilinniarfik Nuummi
Eqqartuussisut inatsilerinermut ilinniarnissaannut 'Ilisimatusarfimmi inatsisilerinermik ilinniarfimmut atatillugu' Danmarkimi naalakkersuisunngortut aningaasanik immikkoortitsinissaat, Aaja Chemnitz Larsenip aamma neriuutigaa.

- Suliaqartunik Kalaallit Nunaanneernerusunit immersorneqarnerit tunuliaqutigalugit, innersuussutillu nutaanik, Folketingimi tusarniaanissamik sulissuteqarniarpunga. Siunissami tamatumunnga tunngatillugu sammivissaq aalajangernissaanut pisariaqartitsisoqarpoq. Iluarsaasseqqinnissanut pisariaqartunut sapiissuseqartariaqarpugut, kisianni aamma ingerlalluartut attatiinnarnissaannut, IA-mi politikeri oqarpoq.

Atuaruk: Chemnitz Larsen: Eqqartuussiveqarneq pitsanngorsarneqassaaq

Ilinniartunut toqqissisimaneq
Inuit Ataqatigiit tamatuma saniatigut Danmarkimi ilinniartunut toqqissisimasumik ilinniarnermik ingerlatsineq salliunniarpaat.

- Kalaallit Danmarkimi ilinniartut tamaviaartaqaat. Politikkip tungaatigut unammilligassat annerpaamik ikiorsiiffigineqassapput, tamarmik toqqissisimasumik ilinniarniassammata. Assersuutigalugu ilinnialernissamut piareersaatinik pikkorissartitsinernut pikkorinnerusariaqarpugut, naalakkersuisut siornatigut siunniunnikuusaattut, Aaja Chemnitz Larsen oqarpoq.

Atuaruk: Aaja: Politiit aappaagu pitsaanerusunik radiukkut atortorissaaruteqalissapput

Aaja Chemnitz Larsenip oqalugiaataa tamaat (qallunaatut) allaaserisap talerpiani kakkiunneqartoq toorlugu atuaruk