Skip to main content

IA-p Doris J. Jensen uppiseriarniarpaat

Doris J. Jensen naalakkersuisutut ingerlaqqissinnaanngitsoq, Inuit Ataqatigiit isumaqarput, taamaattumillu tatiginnikkunnaarnermik taasititsinermik saqqummiussiniarput

Inuit Ataqatigiit tatiginnikkunnaarnermik taasititsinissamik peqqissutsimut, isumaginninnermut inatsisinillu atuutsitsinermut naalakkersuisumut, Doris J. Jensenimut sammitinneqartumik saqqummiussiniarput. Partiimi siulittaasoq Sara Olsvig aamma siulittaasup tullia Aqqaluaq B. Egede tusagassiuutinut nalunaarummi allapput.

- Naalakkersuisut mianersuaalliornerata inuiaqatigiit aningaasaataanik paarsinerluttoqartoq takutippaa, tamannalu akuersaarsinnaanngilluinnarparput, tusagassiuutinut nalunaarummi tamanna allaqqavoq.

- Naalakkersuisunut ilaasortap akiliutissamik kortimik tatigineqarluni atugassinneqarsimanermini mianersuaalliorluinnarsimanera Naalakkersuisutut atuunnissaanut naleqqukkunnaarsitsivoq.

Doris J. Jensenip (S) nalunaarusiami nassuiarpaa, inuup inoqutigiinneersuunngitsup angallat arlaleriarluni 6.855,45 koruunit nalinginut orsersimagaa.

Akiliut malunnaatilimmik akulikitsumik atorneqartarsimasoq – aamma 7.000 koruunit taakku saniatigut - Deloittemit nalunaarusiami kukkunersiuisup Bo Colbep tikkuarpaa.

- Inuit Ataqatigiinnit ersarissumik oqaatigiumavarput Naalakkersuisutut ivertinneqarnikkut tamarmik paasitinneqartarnermikkut nalunngilluinnaqqissaartarmassuk kortimik tunineqarsimatillutik biilip orsussernissaanuinnaq atorneqartussaasut taavalu kortit pineqartut isumannaatsumik inissisimanissaat isumannaarsimassallugu, taamatullu kortimik tigummialik innuttaasunit Inatsisartuniillu tatigineqaqqissaarluni tigummiartitaasoqartarmat ersarissaatigissavarputtaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER