IA-p borgmesteriuteqarnissaa Rosingimit qulakkeerneqarniarpoq
Kommuneqarfik Sermersuumi IA-p borgmesteriutitaqaannarnissaa ilimanarpoq, naak borgmesteri Asii Chemnitz Narup tunuareeraluartoq. IA Suleqatigiissitsisunit Michael Rosingimit tapersersorneqarpoq
IA-p Kommuneqarfik Sermersuumi inissisimanera Demokraatinit allanngortinneqanngitsoorpoq.
Tassami Suleqatigiissitsisut IA-p borgmesteriuteqarnissaa kissaatigaa.
IA kommunalbestyrelsimi qulingiluanik ilaasortaatitaqarpoq, Suleqatigiissitsisullu ataatsimik ilaasortaatitaqartut suleqatigineqalerpata kommunalbestyrelsimi amerlanerussuteqalissallutik.
Isumaqatiginninniarneq
- Inuit Ataqatigiinnik suli isumaqatiginninniarpunga, kisianni qularutigineqassanngilaq IA-p borgmesteriutitaqarnissaa kissaatigigakku, Sermitsiaq.AG-mut oqarpoq.
Kommunalbestyrelsimi partiit suleqatigiinniarnerat qaammatini kingullerni erloqinarsimasoq oqaatigaa.
- IA suleqatiginnikkusussuseqarnersaasoq ersarippoq, pitsaanerpaaq anguniarlugu suliniartut malunnarpoq, Michael Rosing oqarpoq.
Asii Chemnitz Narupip borgmesteriujunnaarnera uggoraa.
- Demokraatit tunngaviusumik isumaannut qaninnerugaluarlunga meeqqat pillugit suliami qimarratiginnittuusut isumaqarpunga. Demokraatit ukiuni kingullerni qulini viceborgmesteriutitaqareerput, ajornartorsiutaasut ilisimasimassavaat, Michael Rosing oqarpoq.
- Demokraatit pissaaneqarniarlutik pissusilersuutaat oqaasertaleruminaappoq. Taamaattumik IA-mik suleqateqarnissara orniginartinneruara.
Borgmesterissatut toqqaanissaq
IA-p kina borgmesterissatut toqqassaneraa akuleruffigiumanngilaa.
Suleqatigiissitsisut aamma Inuit Ataqatigiit isumaqatiginninniarnerat suli naammassinngitsoq ilisimatitsissutigaa.
Læs hele sagen:
- Asii trækker sig som borgmester
- Asii borgmesteritut tunuarpoq
- Asii borgmesteritut tunuarpoq
- Usikkerhed om ny borgmester
- Hvem af disse skal være borgmester?
- Rosing vil sikre IA borgmesterposten
- Demokraterne venter på IA-udspil
- Tre bejlere til borgmesterposten
- Øv, ærgerlig og undren
- Se hvem der bliver ny borgmester
