Skip to main content

IA nunaqarfinnik ineriartortitsinissamut ukiunut qulinut pilersaarutinik suliaqaqqusisoq

Partiit aqutsisuisa akioriissinneqarnerat nunaqarfiit pillugit uumisaarinernik kinguneqarpoq.

Nunarput coronap ajornartoortitsineranit unittooqqaleruttortoq partiit arfineq-marluk siulittaasui Inatsisartut ataatsimiittarfianni sapaatip-akunnerani kingullermi akioriissinneqarnerminni nunaqarfinnut atatillugu uumisaarunnernik aliikkusersorput. Imminut sullinnernut taarsiullugu politikkikkut isumaqatiginngisat nuanniitsumik inissisimalersinniarneqartarput, kisianni arlaannaalluunniit tusakulutsitsinngilaq.

Aviisi Sermitsiaq taama allappoq.

Inuit Ataqatigiinneersup Aaja Chemnitz Larsenip nunaqarfiit mikisut sanngiitsumillu inissisimaffeqartut pissusissamisoortumik matoorartinneqarnissaannik Folketingimi akerleriissutaasumik oqaaserisai eqqaamaneqarluarput, taamaammallu partiip siulittaasuata Múte B. Egedep uparuartorneqarnissani nalunngilaa.

Taamaammat nuna tamakkerlugu pilersaarummut nassuiaat 2016-imeersoq unermillugu oqaluttarfimmut qaqivoq.

Nunattalu Qitornaasa siulittaasuat Vittus Qujaukitsoq nakkarfissiamut nakkarpoq.

– Inuit Ataqatigiit piffissami kingusinnerusumi Københavnimit Nuummiillu assigiinngitsunik ersersitaqartarsimapput, taamaalillutalu partiip nunaqarfinnut atatillugu qanorpiaq isumaqarneranik nalornisiginnilersimalluta, Vittus Qujaukitsoq oqarpoq.

– IA-p nunaqarfinnut politikkia aalajangersimalluinnarpoq. Nunaqarfinnik inoqarfinnillu matooraanissaq siunertarinngikkipput nalornissutigineqanngisaannarsimavoq, Múte B. Egede erseqqissaavoq tusagassiorfinnut nalunaarutini oktobarip 9-aneersoq qulequtaqartoq »Soorunami nunaqarfinnik matoorisoqassanngilaq«  innersuussutigalugu.

Kisianni taava Múte B. Egedep nuna tamakkerlugu pilersaarummut nassuiaat 2016-imeersoq, Vittus Qujaukitsup aningaasaqarnermut naalakkersuisutut ukiut sisamat matuma siorna saqqummersissimasaa, qupperpaa.

Nassuiaammi quppernermi kingullerpaami siunnersuutigineqarpoq, ataatsimiititaliaq inoqarfinnik salliutinneqartussanik inoqarfinnillu salliutinneqartussaanngitsunik tigussaasumik tikkuartuisinneqassasoq. Tamatuma peqatigisaanik ataatsimiititaliaq pisariaqartunik tamanik atortussaqartinneqassaaq, inoqarfiit salliutinneqartussaanngitut matunissamut pilersaarusiuulluarneqarniassammata.

Tassa Vittus Qujaukitsoq inassuteqaateqarpoq, Aaja Chemnitz Larsenip Folketingimi saqqummiussaanut naapertuulluinnartumik.

Aviisimi Sermitsiami atuarnerusinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER