aatsitassat

IA nassuerutiginnittoq: Urani pillugu siunnersuut nutaaq akiligassarujussuarmik kinguneqarsinnaavoq

IA naapertorlugu illoqarfiit imeqarfiillu ungasinngisaanni navianartunik aatsitassarsiorfiliornissaq inerteqqutaasariaqarpoq. Tamannali akisunaarneqarsinnaasoq, partii nassuerutiginnippoq

Narsaq Kuannersuit eqqaaniippoq. Piiaffiunissaanut akuersissuteqarnissamut qanippallaartoq, IA isumaqarpoq

Inuit Ataqatigiit Inatsisartut ataatsimiittarfianni arlaleriarlutik ajorsartarsimagaluarlutik tunniutiinnarusunngillat. Partiip uranimik piiaanermut akerliunerminik sorsuutiginninnini Inatsisartut ataatsimiinneranni sapaatip-akunneri marluk affarlu qaangiuppata aallartittussami aamma ingerlateqqissavaa.

Taanna neriuppoq, Inatsisartuni amerlanerussuteqartunit Naalakkersuisut aatsitassarsiorfinnut aatsitassanik radiup qinngorneranik akulinnik qalluiffiusunut 50 kilometerinik isumannaallisaanikkut killeqarfiliinissamik aalajangersagaliornissaannik peqquneqarsinnaassasut.

Atuaruk: Kujataani aatsitassarsiornikkut iliuuseqartoqarnissaa Sulisitsisut piumasaraat

Siunnersuutip GME eqqorsinnaagaa
Allatut oqaatigalugu; Illoqarfiit nunaqarfiillu ungasinngisaanni aatsitassarsiorneq inerteqqutaasariaqarpoq. Tamanna imeqarfinnut atatillugu aamma atuuttariaqarpoq.

Siunnersut akuersissutigineqassagaluarpat, Greenland Minerals & Energy, GME, Kuannersuarni Narsamiit 7-8 kilometeriinnarnik ungasissusilimmi zinkimik, aatsitassanik qaqutigoortunik uranimillu qalluinissamut akuersissummik pissarsinissamik neriuuteqartoq, eqqugaassaaq.

Atuaruk: ‘Narsaq tassaasariaqanngilaq qinngornernik ulorianartunik eqqaaviusoq’

GME taarsiivigeqqusinnaasoq
IA akuersaanngilluinnarnerup nunatta karsianut akeqanngitsumik utertinneqarsinnaaneranik siusinnerusukkut tunngavilersuuteqarpoq.

Kisianni Aqqaluaq B. Egede urani pillugu siunnersuummi nutaami maluginiarnartumik nassuerutiginnippoq.

- Siunnersuutip matuma akuersissutigineqarneranut atatillugu akuersissummik pigisaqartup pisinnaatitaaffimminik annaasaqarnermi kingunersaanik siunissami Namminersorlutik Oqartussat aningaasartuuteqarsinnaanerat pisinnaavoq, taanna allappoq.

Atuaruk: GME annertuumik taarsiiffigeqqusinnaava?

Allaaserisaq tamaat AG-mi atuaruk. Aviisi uani aamma pisiarinissaanut periarfissaqarputit:

Powered by Labrador CMS