Skip to main content

IA: Naalakkersuisut Namminersorneq pillugu inatsit akigivaat

Inatsisartut ullumikkut marlunngornermi suliniutinut angisuunut inatsit atulersinnaaqqullugu nunat allamiut pillugit inatsimmik allannguuteqarneq siullermiissavaat

- Politikkikkut sullarlunneq.

Suliniutinut angisuunut inatsip Naalakkersuisunit suliarineqarnera Sara Olsvigimit Inuit Ataqatigiinneersumit taama nalilerneqarpoq. 

Nunat allamiut pillugit inatsit Inatsisartunit ullumi marlunngornermi oqallisigineqassaaq, soorlu aamma Folketingimi taanna pillugu aamma oqalliseqassallutik. Sulianut angisuunut sulinermi allamiut sulisorineqarnissaat tassuuna ammaanneqarsinnaallutik. 

- Inatsisip taama saqqummiunneqarnera nassuiaatitaalu taama isikkoqarnerat naalakkersuinerlunnertut isigaavut.

- Soorunami sillimaniarnermut politikki suleqatigiissutaassaaq. Tamanna isumaqa-taaffigaarput. Naalakkersuinikkulli ingerlatsilluarnerusimassagaluarpoq Nunatta Danmarkillu akornanni aatsitassarsiornermut tunngasumik sillimaniarnermut po-litikkikkut tamakkiisumik isumaqatigiissusiortoqaraluarpat, inatsisinut nalaatsortunut ataasiakkaanut nalaatsornerinnakkut immikkut piumasaqaasersuinani, Sara Olsvig oqarpoq. 

Immikkut piumasaqaatit
Inatsisip nassuiaatitaani aatsitassat qaqutigoortut pillugit immikkoortumik ilanngussisoqarsimasoq Sara Olsvig oqarpoq.

- Tassani danskit naalakkersuisui allapput, suliartornissamik akuersissutinik aatsaat tunniussaqartoqarsinnaasoq Naalakkersuisut danskillu naalakkersuisuisa akornanni suliniutit taama ittut pillugit paasissutissanik avitseqatigiinnissamik isumaqatigiissusiortoqareertillugu, Sara Olsvig oqarpoq nangillunilu:

- Tamanna suunngitsutut nipeqarsinnaavoq Inuit Ataqatigiinniilli taamatut immikkut piumasaqaatilersuineq akuersaarsinnaanngilarput, aamma inatsisip nassuiaatitaaniiginnaraluartoq. Inatsisip nassuiaatitai inatsisip qanoq paasineqarnissaanut tunngaviupput, inatsisiviatulli pingaaruteqartigalutik.

Inatsip suliarineqarnera pitsaanerusariaqartoq isumaqarpoq. 

- Inatsisip nassuiaatitaani taamatut allassimaneq Namminersorneq pillugu inatsimmik sanioqqutitsineruvoq, Namminersornermi pillugu inatsimmi erseqqissumik allassimammat aatsitassarsiorneq Nunatta naalakkersuisutigoortumik inatsisiliortullu oqartussaaffigigaat, aatsitassallu suulluunniit pineqaraluarpata tamanna atuuppoq.

Naassuiaatini aamma allassimavoq Naalakkersuisut danskillu naalakkersuisuisa isumaqatigiissutigisimagaat inatsit una Inatsisartuni Folketingimilu ataatsikkut suliarineqassasoq.

Inuit Ataqatigiinnit periuuserisaq akuersaanngilarput Naalakkersuisunullu oqar-tussaaffinnik Danmarkimut utertitseqqinnginnitsinni silatusaaqqusivugut. Nunat allamiut pillugit inatsisip nassiuaatitaani oqaatsit atorneqartut akuersaarutsigit aqukkuminaattumut aallassaagut, nalussallutigulu sumut naassanersoq, Sara Olsvig oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER