Skip to main content
ICC

IA-mut akissut: Kukkuluttorneq

– Naalakkersuisunut ilaasortatut pisussaaffinnik qaangiinngilanga, ICC-mut atatillugu Inuit Ataqatigiit qanittukkut isornartorsiutaannut akissuteqarluni oqarpoq

Inuit Ataqatigiit Naalakkersuisunut ilaasortaq Vittus Qujaukitsoq toqqaannartumik isornartorsiorpaat ICC-mut tunngasumi pisussaaffini qaangersimagai.
Aqqaluaq B. Egede, IA, isumaqarpoq Vittus Qujaukitsoq pisussaaffiinik oqaluttuunneqartariaqartoq.
– Pissaaneq innuttaasut tunniussaat atornerlunneqarsinnaanngilaq kattuffinnik eqqunngitsumik sulineqararlugit nikanarsaanermut. Ataasiinnarsiortutuaq tassaavoq Naalakkersuisunut ilaasortaq Vittus Qujaukitsoq, Aqqaluaq B. Egede oqarpoq.
Isornartorsiuineq tamanna Vittus Qujaukitsup akissuteqarfigaa:
Maluginiarpara internettimi ullumikkut Sermitsiap saqqaani ilanngussami qulequtsiunneqarsimasoq ” IA: Killissat qaangerujussuarpat, Vittus Qujaukitsoq.”
Tassunga atatillugu oqaatigissavara, Naalakkersuisunut ilaasortatut pisussaaffinnik qaangiinnginnama imaluunniit naalakkersuisutut akisussaaffinnik sukkulluunniit unioqqutitsinnginnama.
KNR-ikkut oqallitsitsinermi ICC pillugu oqallillutalu isummersorpugut. Eqqunngitsunik oqaaseqanngilanga. ICC´p sulinera pillugu inerteqqutaanngitsumik isummersortoqarsinnaavoq, aamma taamaappoq kattuffinnut, inuiaqatigiinnit aningaasarpassuarnik tapiissutisisartut pillugit isummersuuteqartoqarsinnaasarnera. Kalaallit Nunaata aningaasaqarnera isumagisaraara, aammattaaq Inatsisartut aningaasanut inatsisaatigut pisortanut tapiissuteqartarnernut tunngatillugu.
Tapiissuteqartarnerit assigiinngitsut qanoq aqunneqartariaqarnersut pillugit apeqquteqarpunga, aningaasarpassuimmi pineqarmata, sulianullu assigiinngitsunut agguataagaallutik. Pisortanit tapiissutinik atuipiluttoqarsinnaaneranik pasinarsaarineq qulaajartariaqarpoq, taamaalilluni ICC Kalaallit Nunaanni Namminersorlutik Oqartussanut pissutsit tamakkua pillugit nassuiaanissaminut periarfissaqarniassammat.
Kattuffiit soqutigisaqaqatigiillu qanoq sunillu suliaqartassanersut, naalagarsiortinniarsarinngilakka. Isumaqarpungali, ICC qanoq annertutigisumik tapiissutisisassanersoq oqallisigissallugu pissusissamisuuinnartoq, allarpassuartigummi sipaarniartussaareeratta, aammalu ICC-p aningaasanik atuinerminik sukaterinissani nammineerluni pisariaqartutut isumaqarfigimmagu.
ICC’p siulersuisuini inuit ataasiakkaat partiimi aalajangersimasumit nalaatsornerinnakkut pisuuneri immineq pasinarsaarutaanngilaq. Tamannali miserratigineqarsinnaanani taamaappoq. Ammasuunissaq, innuttaasunik akuutitsinissaq tamallu oqartussaaqataanerat pineqartillugit, taava isummersorfigineqarsinnaavoq, kattuffik malittarisassatigut ilumut taamatut suleriaaseqarnissaminut aaqqissuussaanersoq.
ICC kaammattorusuppara, ICC´p nammineq soqutiginartitani kisiisa piunnaarlugit, aammali innuttaasut soqutigisai annerusumik sulissutigissagai. ICC kaammattorusuppara innuttaasunut attaveqarneroqqullugu. Tamat oqarsinnaatitaanerannik innarliiniarnerunngilaq, taamaattorli tamat oqarsinnaatitaanerat atorlugu innuttaasunut attaveqarnerulernissamut ICC-mut kaammattuutaalluni, Vittus Qujaukitsoq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER