IA misileeqqippoq: Imigassaarniarfinnit taamaallaat imigassamik nioqquteqartoqalissaaq
1953-imi, imigassamik nioqquteqarneq ammaanneqarmalli, oqallinneq akuttunngitsumik sakkortusisarsimavoq. Maanna IA imeriaatsimut killilersuerpalaarnerusumik sammiveqalernissamik isumaliutiginneqqilerpoq.
Imigassamut inatsit akerleriissutaasorujussuaq utertinneqarmat tamanna IA-mut ajorsarnerusimavoq. Inatsimmit piffissami sivisunngitsumi imigassamik ussassaaruteqarneq inerteqqutigineqarpoq, pisiniarfinnilu ulluinnarsiutinik nioqquteqarfiusuni imigassat assiaqusersorneqartussanngorlutik, aviisi AG allappoq.
Maanna IA inerteqqutit malittarisassallu imernermik killiliisinnaasut pillugit oqallinnermik aallartitseqqinnialerpoq.
Tamanna pissaaq ukiakkut ataatsimiinnermi, tamatumanilu siunnersuutigineqarluni, immiaaqqat, viinnit imigassallu pisiniarfinnit peerneqarlutik taamaallaat immikkut pisiniarfinnit nioqqutigineqalissasut.
Nunani avannarlerni iminngernaveersaarneq
IA-meersoq Charlotte Pike isumassarsiaq pillugu nassuiaalluni oqarpoq, Kalaallit Nunaat Danmarkilu nunani avannarlerni immikkooruteqartut imigassamik nittarsaassineq nioqquteqarnerlu pineqartillugit qasunganerpaanik inatsiseqarnermikkut.
– Nunat avannarliit sinnerini imigassaq immikkut pisiarfinni pisiassaavoq, nittarsaanneqaranilu, meeqqat inuusuttuaqqat imigassamik, uatsitulli, atuiliaartigineq ajorlutik, nassuiaalluni allappoq.
Allaaserisaq tamaat uani AG-mi pisiarisinnaasanni atuaruk: