Skip to main content

IA-mi politikkeri: Naligiissaarineq ima innuttaasunut akeqarpoq

Naligiissaarineq pillugu siunnersuut Naalakkersuisut pipallatamik suliarisimagaat Kommuneqarfik Sermersuumi kommunalbestyrelsimi ilaasortap IA-meersup oqaatigaa

Kommuneqarfik Sermersuumi Inuit Ataqatigiit sinnerlugit kommunalbestyrelsimut ilaasortap Allan Pertii Frandsenip Naalakkersuisut kommuninut aningaasanik naligiissaarinermut siunnersuutaat innuttaasunut qanoq sunniuteqassanersoq naatsorsorpaa. Siunnersuut tunngaveqanngitsumik suliarineqarsimasoq oqaatigaa. 

Aningaasaqarnermut nunamullu namminermut naalakkersuisup Vittus Qujaukitsup Kommuneqarfik Sermersuumi Qeqqatalu Kommuniani aningaasanik Qaasuitsup Kommunianut Kommuni Kujallermullu nuussiniarpoq. Tamanna kommunit naligiinnerusumik aningaasartuunneqartalernissaat anguniarlugu taama siunnersuuteqarluni. 

Suliaq pipallataq
Naalakkersuisut allannguutissatut siunnersuutaanni kommuninut ataasiakkaanut 
nalingi ima Allan Pertti Frandsenip naatsorsorpai:

  • Kommune Kujalleq: 70.519 kr. innuttamut ataatsimut
  • Kommuneqarfik Sermersooq: 65.408 kr. innuttamut ataatsimut
  • Qeqqata Kommunia: 65.874 kr. innuttamut ataatsimut
  • Qaasuitsup Kommunia: 69.558 kr. innuttamut ataatsimut

- Naalakkersuisut siunnersuutaat taanna malillugu ukiuni tulliuttuni 5-10-ni kommunit aningaasaqarnerisa qanoq isikkoqarumaarnerat siumoortumik naatsorsuusiorneqarsimanngilaq. Taamaalilluni kialuunniit qularnaatsumik oqaatigalugulu, naatsorsuusiorsinnaanngilaa, ukiuni aggersuni allannguutissat kommunit aningaasaqarnerannut qanorpiaq sunniuteqarumaarnersut, Allan Pertti Frandsen oqarpoq. 

Kommuneqarfik Sermersuup naatsorsorsimavaa siunnersuutigineqartoq piviusunngussappat kommuni ukiumut 56 million koruuninik annaasaqartalissasoq. 

- Naalakkersuisut akuersaaruminaatsumik, tunngavilersugaanngitsumillu, nunatsinni kommunit aningaasaqarnerisa nalimmassarnerannut atatillugu siunnersuutertik nutaaq saqqummiuppaat, Inuit Ataqatigiinni politikkeri oqarpoq, siammasinnerusumillu siunnersuuteqartoqarnissaa siunnersuutigalugu. 

Qeqqata Kommuniani borgmesteri Hermann Berthelsenip Qanoruumi pingasunngornermi oqaatigaa siunnersuut akuerinagu. Siunnersuummut oqaaseqaateqarniarlutik maannakkut suliaqarlutik aamma oqaatigaa. 

Naligiissaarinermut siunnersuut aggustip aqqarngani isummerfigineqassaaq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER