IA-mi ilaasortaq Sermersuumi taamaatilersoq
Rasine Geisler IA-meersoq Kommuneqarfik Sermersuumi kommunalbestyrelsimit aniniarluni qinnuteqarsimavoq.
Rasmine Geislerip kommunalbestyrelsimi ilaasortaajunnaarusunneranut atatillugu inuit arlallit ilaasortanngortinneqarsinnaapput. Aamma Laura Taunâjik kommunalbestyrelsip ataatsimiittarfianut utertussaavoq.
IA sinnerlugu kommunimi politikkeri Lone Rosengreen Pedersen, ullumikkut Storm Ludvigsenimut, piffissaligaanngitsumik sulinngiffeqartumut sinniisussaasoq, Rasmine Geislerip kommunalbestyrelsimi inissisimaffianut ikkunneqassaaq.
Tamanna takuneqarsinnaavoq, illoqarfiit pingaarnersaata kommuniani kommunalbestyrelsip maajip 28-ani ataatsimiinnissaani oqaluuserisassani.
Sinniisuutitaq ilaasortanngussasoq
Rasmine Geislerip taamaatinnera, taamalu Lone Rosengreen Pedersenip sinniisuujunnaarnera pissutigalugit, Hans Jukku Noahsen Storm Ludvigsenip sinniisuatut ikkunneqassaaq.
Rasmine Geisleri Meeqqanut Atuarfeqarnermullu Ataatsimiititami, Meeqqanut Ilaqutariinnullu Ataatsimiitiami ilaasortaasimavoq, aamma Sanarfinermut Avatangiisinullu Ataatsimiititami Harald Biancomut sinniisuusimalluni.
IA, Demokraatit Atassullu ataatsimiititanut taakkununnga pingasunut ilaasortassaminnik nutaanik maanna toqqaasussanngorput.
Erninermut atatillugu sulinngiffeqarunnaartoq
Allamik aamma taarsiisoqassaaq, tassa Siumut sinnerlugu ilaasortaq Laura Taunâjik erninermut atatillugu sulinngiffeqarunnaarmat, taassumalu uteqqinnissanik qinnutigisimammagu. Taamaammat sinniisoq Lund Kuko Siumumeersoq ilaasortaajunnaassaaq.
Laura Taunâjik ataatsimiititanut marlunnut ilaasortaaffigisimasaminut uteqqissaaq: Sanarfinermut Avatangiisinullu Ataatsimiititamut aamma Isumaginninnermut Suliffeqarnermullu Ataatsimiititamut, Rolf Piké-mut sinniisuuffigisaminut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...