Skip to main content

IA kommuninit tallimaasunit pingasuni borgmesteriutitaqalerpoq

IA Inatsisartunut qinersinerinnarmiunngitsoq partiit annersarilerpaat. Parteermi maanna aamma kommuninit tallimaasunit pingasuni borgmesteriutitaqalerpoq.

Kommuneqarfik Sermersooq Kommuni Qeqartalillu IA-mit aqunneqareerput, Kommuni Kujallermili ukiorpassuarni Siumumit aqunneqarsimasumi IA-p kommunalpolitikkimi inissisimanini naqissuserlugu taasisut affai sinnerlugit pissarsiarisimavai.

Illoqarfiit pingaarnersaata kommuniani taaguunneqarluartartoq Asii Chemnitz Narup 2017-imi tunuarmat, inuusuttup Charlotte Ludvigsenip iluatsitsisumik ingerlatsisimanini nangeqqissaneraa pissanngatigineqarsimavoq.

Aamma atuaruk: Charlotte Ludvigsenip borgmesteriunini attatiinnarpaa

Qularutigineqanngilarlu. 1.512-inik taaguunneqarluni Siumumi Martha Abelsenimit 569-inik taaguunneqarsimalluni qinerneqarnerpaasimaumit pingasoriaatingajannik taaguunneqarsimagami.

Inga Dora Markussen taamaalilluni Siumumi siulittaasup tulliatut atuuffini iluaqutigalugu najukkami politikkeritut iluatsitsinngittoorpoq.

IA-mi politikkeritut misilittagaqarluartoq Stine Egede kujataani borgmesterinngortoq, Kommuni Qeqertalimmi Peter Olsen Ane Hansenimit 55-inik taaguunneqarnerulluni 442-nik taasisoqarsimanermigut partiimi siuttutut borgmesterinngorpoq.

Aamma atuaruk: Qeqertalik: IA-p taasisut 50 pct.-ii sinnerlugit pissarsiarai

Kommuni Kujallermi IA 17,4 procentinik siuariartoq, Siumut 15,7 procentinik kinguariarpoq. Uranisiorfissaq pillugu apeqqut Siumumit akisunaarneqarpasippoq, akerlianik IA-p uranisiortoqannginnissaanik erseqqissumik oqaaseqartarnini innuttaasunit taaguulluaatigisimannguatsiarlugu.

Aamma atuaruk: Stine Egede Kujallermi ajugaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER