Skip to main content

IA-mit kissaatigineqarpoq, Ilisimatusarfimmi isumannaallisaanermut tunngatillugu ilisimatusarfeqarnissaq

Nunanut allanut ministerip Issittoq pillugu nalunaarusiaa oqallisigineqarmat, Aaja Chemnitz Larsenip Kalaallit Nunaata issittumut tunngatillugu oqartussaaffeqarnerunissaanik kissaateqarnini uteqqippaa

Nunanut allanut Ministeeriaqarfiup ukiumoortumik Issittoq pillugu nalunaarusiaa ippassaq Folketingimi oqaluuserineqarpoq.

Nalunaarusiaq aalajangiisuusinnaasunik nutaanik annikitsuaqqamik imaqarpoq. Pisimasorli ataaseq oqallinnermi oqaluuserineqarluarpoq: Tassalu Donald Trumpip Kalaallit Nunaannik pisiaqarusulluni nalunaaruteqarsimanera. Taamaalilluni amerlasuunit ilisimaneqalerpoq, USA-p Kalaallit Nunaannut tunngatillugu soqutiginnikkiartuinnarnera.

Aaja Chemnitz Larsen (IA) tassunga atatillugu oqarpoq, 'Naalagaaffeqatigiinnitta taamaaginnartussatut isigineqannginnissaanut tamanna eqeersaataavoq'.

- Amerikamiut sallaattumik iliuuseqarniarnerat iluareqqusaarnerallu peaatigiilluta isumagissavarput, oqaaseqartartutut oqaaseqarnermini oqarpoq.

-  Peqatigitillugu Kalaallit Nunaat oqartussaaffinnik angerlaanneqarsimasunut tunngatillugu arlaatigut iliuuseqarfissaqartinneqarlunilu nunanut allanut tunngasutigut nammineerluni iliuuseqarsinnaatitaassaaq. Tamanna pissappat tatigeqatigiinnerput annertusartariaqarparput aamma atortunik allanut tusarliuteqqusaanngitsunik avitseqatigiittarnitsinni aaqqiissutissarsiorlutalu akulikinnerusumik ataatsimeeqatigiittariaqarpugut.

Nunanut allanut isumannaallisaanermullu tunngasutigut ilisimatusarfik

Taassuma isumaa naapertorlugu, taamatut nunanut allanut tunngasutigut suliaqarnermi sunniuteqarnerusoqassappat, aalajangiisartut innuttaasullu  aalajangiinissamut nalinginaasumik piginnaaneqarnerusariaqarput.

- Issittumi ineriartorneq aamma Kalaallit Nunaannik soqutiginnikkiartorneq eqqarsaatigalugit, Kalaallit Nunaanni aallaaveqartumik nunanut allanut tunngasutigut piviusorsiortumik politikkeqartoqartariaqarpoq. Ullumikkut aalajangiussat, ukiuni aggersuni Kalaallit Nunaata, Naalagaaffeqatigiinnerup Issittullu ineriartornissaannut sunniuteqartussaapput. Iluaqutissat ajoqutissallu oqimaaqatigiissinniarneqarnerat Kalaallit Nunaanni politikkerinut, atorfilittanut innuttaasunullu piumasaqaatitaqartussaavoq.

- Ilisimasat taamatut ittut amigaatigineqartupilussuupput, Issittumullu tunngatillugu ilisimasat killeqarlutik. Immaqa issittumi ilisimatusartarnerup Issittumi pisalernissaa piffissanngorpoq? Taamaammat Inuit Ataqatigiinnit aningaasanut inatsisissamik maanna isumaqatiginninniarnermi ingerlanneqartumi oqaatigisimavarput, nunanut allanut isumannaallisaanermullu tunngasutigut ilisimasaqarfissamik Ilisimatusarfimmi pilersitsisoqassasoq, imatut taaguutilimmik, GIIAS – Greenland Institute for International and Arctic Studies. Ilisimasaqarfik, najukkami ilisimasanut Kalaallit Nunaata nunanut allanut isumannaallisaanermullu tunngatillugit ingerlatsineranik pitsanngorsaasussanut toqqorsiviusussaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER