pisortanut akiitsut

IA innuttaasut pisortanut akiitsuisa oqallittoqarnissaanik ujartuivoq

Innutaasut pisortanut akiitsuisa 1 milliardi koruunit angulerpaat.

ønsker en debat om, hvordan vi bedst muligt sikrer, at gælden bliver inddrevet, kombineret med en social indsats. Bendt B. Kristiansen

Akiliisitseriaatsip Ilanngaassiviup politikkikkut suliarineqarnerata taamaatinneqarnera, IA-p politikkikkut oqaaseqartartua, Bendt B. Kristianseni qisuariartippaa. Naalakkersuisummi isumaqarput periuseq pitsanngorsarneqartariaqartoq, taamaammallu Inatsisartut ukiaanerani ataatsimiilerpata inatsisissatut siunnersuutissatut saaqummiunneqassanngilaq.

Kisimiitinneqarsinnaanngitsoq

Suliniutit Ilanngaassivittut ittut kisimiitinneqarsinnaanngitsut, IA-p oqaaseqartartua isumaqarpoq.

- Inuit Ataqatigiit akiitsut pillugit siunnersuisarfimmik peqalernissatsinnik siunnersuuterput attapparput. Taama ilinikkut aatsaat pisortanut akiitsoqarujussuarneq qaasiortumik suliniuteqarfigiinnarnagu sukumiisumik suliniuteqarfigisinnaavarput, ilaqutariit inuillu aningaasaqarnikkut inuttut siunnersorneqarnissaminnik pisariaqartitsisut ajornartorsiutaannik ikiorserlugillu inuuninarnikkut ikorfartorsinnaassagatsigit, Bendt B. Kristiansen isumaqarpoq. Taanna islandimiut periusiannut pilersinneqarsimasumut "Skyldnernes Ombudsmand" – Akiitsullit Ombudsmandiat – innersuussivoq.

Ineqarnermut akiitsut pillugit INI A/S Kommune Kujallermi misiliummik suliniutaa piariilerpoq, suliniulli naammanngitsoq, polikkikkut oqaaseqartartoq isumaqarpoq.

Ataqatigiisitsineq IA-p kissaatigaa

- Suliniutit minnerpaamik marluutillugit ataqatigiissakkamik iliuuseqartoqarnissaa kissaatigaarput, pisortat inissiaatinik ingerlatsiviutai suleqatigalugit misileraaneq siammasinnerulersillugu pisortanullu akiitsoqarnerit kommunillu tamakkerlugit suliniuteqarfigalugit, taanna oqarpoq.

Tassunga tunngatillugu sammisap oqallisigineqarnissaa pingaaruteqarluinnartoq, taanna isumaqarpoq. Ilanngaassiviup innuttaasunut pisortanut akiitsulinnut taamaallaat atuunnissaa ammaffigaarput, pingaarnertulli innuttaasut akiitsullit qanimut siunnersorneqarlutillu isumaginninnikkut suliniuteqarfigineqarnissaat, Bendt B. Kristiansenip tusagassiuutinut nalunaarutaani erserpoq.

Powered by Labrador CMS