Skip to main content

IA: Illersornermut ilinniartitaanermik pilersitsisoqarli

Ullumikkut, ataasinngornermi, Inuit Ataqatigiit illersornissakkut politikkitigut siunnersuutaat Aaja Chemnitz Larsenip Nuummi tusagassiortunik katersortitsinermi saqqummiuppaa.

Ullumikkut Inuit Ataqatigiit illersornissamut politikkimut siunnersuutaat Nuummi saqqummiuppaat.

- Saqqummiussinermi Danmarkimi naalakkersuisut sapaatip akunnerisa arlaqanngitsukkut qaangiuppata Folketingimi illersornissatigut isumaqatigiissummik nutaamik saqqummiussisussaanerat nalerorniarneqarpoq, Inuit Ataqatigiit tusagassiuutinut nalunaarummini allapput.

Aamma atuaruk:

Tassunga atatillugu tusagassiortunik katersuutsitsinermi Aaja Chemnitz Larsenip Kalaallit Nunaata Illersornissaqarfimmut ersarissumik isummersimanissaata, taamatullu illersornissakkut isumaqatigiissummut tigussaasunik kissaateqarnissaata pingaaruteqarnera erseqqissarpaa.

Illersornissamut ilinniartitaanermik kissaateqarneq

- Inuit Ataqatigiinniit kalaallit amerlanerujussuit Illersornissaqarfimmiinnissaat kissaatigivarput, taamaasiussagaannilu Kalaallit Nunaanni illersornissatigut ilinniarfeqarnissaq pisariaqarpoq. Upalungaarsimatitat nukittunerit pigilernissaasa ajutoortarnerillu pinaveersimatinnissaasa ukkanneqarnerusariaqarnerannik isumaqarpugut, Kalaallit Nunaatami isumannaannerunissaa anguniarparput, folketingimi ilaasortaq Aaja Chemnitz Larsen oqarpoq.

Partii paasissutissiivoq, Inuit Ataqatigiit illersornissakkut politikkitigut siunnersuutaat ukiuni aggersuni Kalaallit Nunaata illersornissatigut suliassanik qanoq naammassinnissinnaaneranut partiimiit ataatsimut isigalugu pilersaarusiaavoq. Siunnersuummut aallarniisuuvoq Inuit Ataqatigiit Folketingimi, taamaattorli susassaqarfimmi tassani partiip tamakkiisup siunnersuutigivaa. 

 

Sumiiffinniit peqataatitaqarneruneq

Illersornissatigut sumiiffiit peqataatinneqarnerunissaannut tunngatillugu inassuteqaatit pillugit Aaja Chemnitz Larsen oqarpoq:

Illersornissaq kalaallini inuiaqatigiinni annertunerujussuarmik akuutinneqalissaaq. Taamaattumik inuinnaat kajumissutsimik aallaaveqartumik illersornissatigut ilinniarfissaannik pilersitsisoqassaaq, Illersornissaqarfimmimi kalaallit amerlanerugunik iluaqutaassapput, inusuttullu Illersornissaqarfimmi piginnaasaqalerunik iluaqutigisinnaavaat.

Aamma atuaruk:

Illersornissamut ministeri naapinneqartoq

Folketingimi ilaasortap Aaja Chemnitz Larsenip illersornissamut naalakkersuisoq Claus Hjort Frederiksen (V) isumaqatigiissutissaq pillugu aggustimi ataatsimeeqatigaa. Taamatullu nangitsisumik oktoberimi naapeqqinnissaq pilersaarutigivaat.

Inuit Ataqatigiit illersornissakkut politikkimut immikkut samminiagaat pingasuupput:

  • Illersornissaqarfimmi Kalaallit amerlanerit
  • Kalaallit Nunaat isumannaannerusoq
  • Suleqatigiinneq nukittunerusoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER