IA ilinniakkanik kanngunartuliaq pillugu: Aaqqiissutissamik nassaartoqarli
Aaqqiissutissamik nassaartoqarli ilinnialerniartut aqqaneq-marluk ilinniarusutaminnik ingerlatsisinnaalerniassammata, IA-meersoq Sofia Geisler Naalakkersuisunut kaammattuivoq
- Ilinniagassat piareeqqapput, ilinniartitsisut piareeqqapput, ilinniartussat piareeqqapput. Inuit Ataqatigiinniit paaserusupparput aaqqiissutissamik nassaarnissamut periarfissaqanngivissornersoq. Taamaasilluni ilinnialerniartut ilinniarusutaminnik ingerlatsisinnaalissammata, allamik pilersaarutigisarinngilluinnakkaminnut ilinniakkanut saannatik, IA-meersoq Sofia Geisler tusagassiorfinnut nalunaarummi allappoq.
- Ilinniakkat marluk nutaat Niuernermik Ilinniarfimmut atasut august 2019 aallartinneqarnissaat siunertaralugu sulinermut Ilinniartitaanermut Naalakkersuisoqarfik november 2017-miit akuulluinnarsimavoq. Piffissami manna tikillugu suliap ingerlanneqarnerani Ilinniartitaanermut Naalakkersuisoqarfimmiit iliuuseqartoqarsimanngilaq suliap unitsinnissaanut unitsikkallarnissaanulluunniit tunngasumik imalimmik. Tamannali pivoq ilinniarnerup aallartinnissaanut ullualunnguit sioqqullugit, ilinniartunngortussallugu ilinniagassaminnik aallartinnissaminnut piareerluinnartullu, IA-meersoq allappoq, suliarlu kanngunartuliamit minnerunngitsutut oqaatigalugu.
Sofia Geislerip Niuernermik Ilinniarfiup ilinnialersussallu ilinniakkamik aallartitsisinnaannginnerat ajuusaarutigaa.
- Isumaqarluinnarpugut akisussaaffik Niuernermik Ilinniarfimmut tutsinneqarsinnaanngitsoq. Pisumut avaanngunartumut uunga tunngatillugu akisussaasoq tassaavoq Naalakkersuisoqarfik, tassalu Ilinniartitaanermut Naalakkersuisoq, allappoq.
Sofia Geisler paasissutissiilluni allappoq, atuartitsinerup ingerlannissaannut immikkut aningaasaliiffigisassatut qinnuteqaat 700.000 koruuninik julimili Naalakkersuisoqarfimmut tunniunneqarsimasoq.
- Tassalu qaammat ataaseq qaangiutereersoq tallimanngormat kingullermik Naalakkersuisut imaannaanngitsumik aalajangerput ilinniarnerit nutaat aallartinnissaat atorunnaarsinniarlugu. Suleriaaseq tupinnarluinnartoq, tassami ilinniakkat taakku aallartinnissaat 2017-imi novembarimili pilersaarusiorneqalermat Naalakkersuisoqarfik akuulluinnarsimammat, Sofia Geisler allappoq.
- Ilinniartitaanermut Naalakkersuisup politikkikkut akisussaaffik tigusariaqarpaa, akisussaaffik Niuernermut Ilinniarfimmut milorujunnagu, IA-meersoq illuatungiliuttuni politikeri allappoq.
Tassalu qaammat ataaseq qaangiutereersoq tallimanngorpat kingullermi Naalakkersuisut imaannaanngitsumik aalajangerput ilinniarnerit nutaat aallartinnissaat atorunnaarsinniarlugu. Suleriaaseq tupinnarluinnartoq, tassami ilinniakkat taakku aallartinnissaat 2017-imi novemberimili pilersaarusiorneqalermat Naalakkersuisoqarfik akuulluinnarsimammat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...