Skip to main content

IA: Aleqa, paatsiveerunneq alliartuinnavippoq

Inuit Ataqatigiit Naalakkersuisut uuliasiornermut aatsitassarsiornermullu oqaaserisartagaat pillugit isornatorsiorpaat

- Inuit Ataqatigiinniit Naalakkersuisut sakkortuumik inakkusuppagut nunarput pillugu oqaaserisartakkatik ataqatigiissaartaqqullugit. Naalakkersuisut ataasialinngillat suliassaq ataaseq pillugu assigiinngitsunik oqaaseqartarlutik. Taamaasiornerit najummassimanermik paatsiveerunnermillu pilersitsisarput.

Inuit Ataqatigiit siulittaasuat Kuupik Kleist tusagassiutinut nalunaarummini oqarpoq. 

Naalakkersuisut siulittaasuata Aleqa Hammond Siumut Londonimi aviisip 'The Economist'-ip aaqqissugaanik ataatsimeersuarnermi peqataalluni. 

- Tassani Aleqa Hammond oqarpoq Naalakkersuisut uuliasiornermut aatsitassarsiornermullu periusissiaat upernaaru Inatsisartut akuerissagaat. Oqaaseq tuluttut kalaallisullu atorneqartoq pissutigalugu qularnaallisinneqarpoq Aleqa Hammond tusagassiortunut nunanit tamalaaneersunut oqartoq periusissiaq Inatsisartut upernaakkut ataatsimiinnerminni taasissutigissagaat.

- Taamaattoqanngilarli. Aamma februarip 15-iani tusagassiuutinut nalunaarummi Aatsitassanut Naalakkersuisoq Jens-Erik Kirkegaard Siumumit Aleqa Hammonditut oqanngilaq. Taamanikkut Aatsitassanut Naalakkersuisoq nalunaarpoq uuliasiornermut aatsitassarsiornermullu periusissiap 'inaarutaasumik ilusia' maanna naammassineqalersimasoq, Kuupik Kleist oqarpoq. 

IA: Sorleq upperissavarput?
Periusissiaq Inatsisartut upernaakkut ataatsimiinnerminni oqaluuseralugulu taasissutigisussaanngilaat. Tamanna ilisimallugu Naaakkersuisut siulittaasuat Londonimi oqalugiarpoq, Kuupik Kleist oqarpoq.

- Taamaammat oqalugiarnermini taamatut oqaasissiorsimanera paasissaanngilluinnarpoq. Sorleq upperissavarput? Naalakkersuisut siulittaasuat aatsitassanulluunniit naalakkersuisoq?, IA-p siulittaasua aperaaq. 

- Pisoq imaannaanngilaq. Periusissiorneq inuit ikittunnguit kimisiillutik matoqqalluinnartumik suliarivaat, tusarniaanermut piffissaritinneqartoq sivikippoq tusarniaanermullu akissuteqaatit misissortut amerlasuut ilanngussuunneqarsimarpasigatik. Periussiap inaarutaasumik ilusia malitassatut allakkiatut suli inaarsarneqarsimanngitsutut isikkoqarpoq akissutaasinnaasunik innersuussinertaqaranilu piffissaliussartaqanngitsoq. Tusarniaaneq februarip 7-anni qaangiummat aqaguani 8. februar periusissatut aalajangiussimasartik saqqummiuppaat. Illuatungiliuttut taamaasillutik kisimiilinngillat apeqqutissaqalersut assigiinngitsunik. Soqutigisaqaqatigiiffiit uuliasiornermillu aatsitassarsiornermillu ingerlataqartut aamma taamaapput.

- Arlaleriarlugu uppernarsineqartarpoq nunap atugassarititaasussanut killissaliussai pillugit nalornisoornerit tassaasartut aningaasaliisussarsiornermut akorngutit annersarisartagaat. Piffissanngorpoq Naalakkersuisut nalornisoortitsiunnaarlutik eqqortumik oqaluttalernissaat. Taamaammat Naalakkersuisut kaammattuinnarsinnaavagut illuatungiliuttut, soqutigisaqaqa-tigiiffiit aatsitassarsiornermillu ingerlaqartut tunniussassaannut naalaarneruleqqullugit – innuttaasunillu torersumik peqataatitsilerlutik. 

Naalakkersuisut siulittaasuata Londonimi oqalugiaataa talerpiata tungaani pdf-inngorlugu atuarneqarsinnaavoq

Paasissutissat

Tuluttut oqalugiaataani tigulaagaq:

'At the upcoming spring session of Parliament, we will adopt the latest of our five-year oil and minerals strategies, setting out the objectives and the means for the period until 2018'.

Kalaallisuunngortinnera:

'Inatsisartut upernaaq manna ataatsimiinnissaanni ukiuni tallimani uuliamut aatsitassanullu periusissaq, piffissamut aggersumut anguniagassanik aningaasanillu atugassanik aalajangersaaffiusussaq 2018-imullu atuuttussaq oqaluuserineqassaaq'.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER