Inatsisartut
IA: Akitsuutinik qaffaaneq kingumut alloriarneruvoq
Inuit Ataqatigiit siulittaasuata tullia naliliivoq qalerallit avaleraasartuullu akitsuutaasa qaffatsinneqarnerat kingumut alloriarnerusoq
13-it isumaqataallutik taasipput qulingiluallu akerliullutik taasillutik, tallimallu taaseqataanngillat.
Sapaatip akunnerani kingullermi qalerallit avaleraasartuullu, aammalu tunumi aalisarnermit aalisakkat ikerinnarsiortut ilaannut akitsuutit pillugit Inatsisartut inatsisaata allanngortinneqarnissaanik Naalakkersuisut siunnersuutaat pingajussaaneerlugulu naggataarneqarmat, taasinerup inernera taamatut inerneqarpoq.
Taamaasilluni allannguutissatut siunnersuut akuersissutigineqarpoq. Ilimagineqareersutullu Inatsisartuni partiit illua'tungiliuttut annersaat, Inuit Ataqatigiit, akerliulluni taasivoq.
Periarfissat annaaneqarput
– Akitsuutit qaffannerisigut nammineq umiarsuarnik aalisariuteqarnissamut periarfissaq, aningaasaqarnikkut qilersorsimajunnaarnissamut periarfissaq aammalu inuussutissarsiutip tamarmi nammineerluta tiguneratigut sapinngisamik annerpaamik iluanaaruteqarnissaq annaassavavut, Inuit Ataqatigiit siulittaasuata tullia Aqqaluaq B. Egede oqarpoq, nangillunilu:
Tunuartoqartarpoq
– Takusarparput avaleraasartoorniat ilaat aalisarnermit tunuartartut, naatsorsuutigisinnaavarpullu aningaasat amerlanerunut nunamit annissorneqalissasut. Tamanna peqataaffigerusunngilluinnarparput.
Isornartorsiummut Naalakkersuisut qisuariaataat Sermitsiaq normu 20-mi atuaruk. Aviisi allaaserisap ataani linki atorlugu pisiarisinnaavat