Skip to main content

IA aamma Siumut inissialerngusaattut

Aasiaanni IA-qarfiusumi inissialiorneq annertuumik ingerlanneqarpoq. Inissialionerli illoqarfinni nunaqarfinnilu siammasinnersumik ingerlanneqartariaqartoq, Siumut isumaqarpoq.

Kommune Qeqertalimmi 6.350-it missaannik inoqartumi, sisamanillu illoqarfeqarlunilu arfineq pingasunik nunaqarfeqartumi, kommunip inissiaataanut Nammisorlutillu Oqartussat inissiaataannut, inissiaatileqatigiiffimmit INI A/S-imit aqunneqartunut, inissarsiortutut allatsissimasut katillugit 227-iupput.

Aviisi Sermitsiaq allappoq.

Kommune Qeqertalimmi illoqarfiit annersaanni Aasinni, 3.000-it sinnilaarlugit inoqartumi, kommunip inissiaataanut inissarsiortut 103-upput, Namminersorlutillu Oqartussat inissiaataannut inissarsiortut 27-ullutik. Qasigiannguani kommunip inissiaataanut inissarsiortut 31-upput, Namminersorlutillu Oqartussat inissiaataannut inissarsiortut 13-ullutik. Qeqertarsuarmi kommunip inissiaataanut inissarsiortut 22-upput, Namminersorlutillu Oqartussat inissiaataannut inissarsiortut arfiniliullutik, kiisalu Kangaatsiami kommunip inissiaataanut inissarsiortut 25-upput.

Kommune Qeqertalimmi kommunalbestyrelsimi Inuit Ataqatigiit borgmester Ane Hansen siuttoralugu ikannerusseqarput, qinersivimmilu 2017-imiit 2021-mut inissaaleqineq IA-p eqqummaariffigisimagaa, taamaattumillu iliuusissanik pingaarutilinnik assigiinngitsunik aallartitsisoqarsimasoq, Peter Olsen, IA, Kommune Qeqertalimmi kommunalbestyrelsimut Inatsisartunilu ilaasortaasoq, aprilillu arfernani qinersisoqarnissaanut qinigassanngorteqqittoq, oqarpoq.

Illoqarfiit mikinerusut eqqumaffigineqarlik

Kommunalbestyrelsimi amerlanerussuteqartut Inuit Ataqatigiit Atassutillu, Aasiaat avataanni illoqarfinni nunaqarfinnilu inissialiornissaq qinigaaffimmi uani tunulliussimagaat, Otto Jeremiassen, Siumut, kommunalbestyrelsimullu qinigassanngorteqqittoq, isumaqarpoq.

Illoqarfinni mikinerusuni ukiut kingulliit illut inuinnarnut suliffeqarfinnullu tunineqartarsimasut taartissaannik sanaartortoqarsimanngitsoq, illoqarfinnullu mikinerusunut suliartortut inissaannik pitsaasunik amigaateqartoqartoq, taanna oqarpoq.

- Illussanik sanaartornerup siammasinnerusumik aaqqiivigineqarsimannginnera assut uggornarpoq. Aammali Kangaatsiami nutaamik atuarfiliorneq pissutigalugu Kangaatsiami inissianik sanaartortoqarsinnaannginneranik IA-ip tunngavilersuutaa akuersaarneqarsinnaangilluinnarpoq, taanna oqarpoq.

Aviisimi Sermitsiami atuarnerugit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER