Skip to main content

IA: - Aalisarnermut inatsisip kingunissai qaqinneqassapput

– Aalisarnermut inatsisissap upernaaru aappassaanneerneqannginnerani inatsisip kingunerisinnaasaanik naatsorsuisoqarnissaa pingaaruteqarpoq, aalisarnermut ataatsimiititaliap siulittaasua Hans Aronsen (IA) inatsisissatut siunnersuutip siullermeerneqarnerata kingorna oqarpoq.

Inatsisartut 2017-imi ukiakkut ataatsimiinnerat ataasinngornermi novembarip 20-anni naammassisimatsiaannartoq, Aalisarnermut, Piniarnermut Nunalerinermullu ataatsimiititaliap siulittaasuata Hans Aronsenip (IA) ataatsimiititaliami ilaasortat katersortippai, tamatumani aalisarnermut inatsisissatut siunnersuutip novembarip 16-ianni siullermeerlugu oqaluuserineqarnerani ataatsimiititaliamut suliakkiissutigineqartut suliarinissaannut pilersaarusiortoqarnissaa siunertarineqarluni.

Sermitsiaq taama allaaserisaqarpoq.

Pilersaarusiorluarneq
- Inatsisartut ukiakkut ataatsimiinnerat naammassiniariartoq, ataatsimiititaliami ilaasortat ataatsimiinnissaannik qinnuigaakka, taamaalilluta aalisarnermut inatsisissatut siunnersuutip qanoq ingerlateqqinneqarnissaa piaartumik pilersaarusiorsinnaaniassagatsigu. Ingerlaannarlutami illoqarfigisatsinnut angerlakaasussaavugut, tamannalu sioqqullugu naapeqatigiinnissarput uannut pingaaruteqarmat, Hans Aronsen oqarpoq.

Aalisarnermut inatsit pillugu Sermitsiami paasisaqarnerugit, tassani aamma raajarniap Hanseeraq Enoksenip Inatsisartuni oqallinnerup pitsaassutaata qaffasissusaa sooq ernummatigineraa atuarsinnaavat. Aviisi uani ataani linki atorlugu pisiarisinnaavat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER