Inatsisartut
IA: 16-nik ukiullit qinersisinnaalertariaqarput
Inatsisartut ukiaanerani ataatsimiinnissaanut inuusuttuaqqat 16-nik ukiullit qinersisinnaalernissaat Inuit Ataqatigiinnit siunnersuutigineqarpoq
Qinersisinnaasut 18-nit ukiulinnit 16-nik ukiulinnut appartinneqarsinnaanera Inuit Ataqatigiinnit siullersuutigineqartoq, Inatsisartut ukiaanerani ataatsimiinneranni oqaluuserineqassaaq. Inatsisartunut, kommuninut, sinniisinut, nunaqarfinnilu aqutsisunut qinersinerni atuutilersussatut siunnersuutigineqarpoq.
Oqartussaaqataaneq
Inuit Ataqatigiit siunnersuuteqarnerminnut ima tunngavilersuipput:
- Maannakkut nuna inuuffigisarput tassaavoq ukiuni nutaani inuit oqartussaaffigisaannik inuiaqatigiinni ukiuni qulikkaani kingullerni malunnaatilimmik ineriartorsimasoq. Nunatsinni najugaqartugut tamat oqartussaanerup ineriartortinnissaanut saarlerpaanut ilaalluta iliuuseqarsinnaavugut, qinersisinnaanermut ukiut piumasaqaataasut 16- inut appartinnerisigut inuusuttortavut toqqaannartumik peqataatilersinnaallugit.
Inersimasutut pisinnaatitaaffiit
16-nik ukiullit aamma 18-inik ukiullit assigiimmik atugassarititassaqarlutillu pisussaaffeqartut IA-mit isumaqarput.
- Pinerluttulerinermi inatsit naapertorlugu inersimasutulli pillagaasinnaapput, ilarpassui suliffeqarput taamatullu akileraartarnikkut inersimasut assigalugit pisussaaffeqartitaallutik, IA-mit oqariartuutigineqarpoq.