Hurtigruten: Akunnittarfiliorniarneq kinguaattooqqavoq
Norgemi takornariartitsisarfik Hurtigruten coronap nunarsuarmi tuniluunneranit eqqugaangaatsiarsimavoq, Nuummili nutaamik akunnittarliornissamik pilersaarut taamaatiinnarsimanngilaa.
Coronap nunarsuarmi tuniluunnera Hurtigrutenip Nuummi Nuutoqqamut ungasinngitsumi nutaamik akunnittarfliorniarneranut sunniuteqarsimavoq, nunaminertaq sissamut qanittoq akianut toqqaannartumik isikkivilik akunnittarfiliorfissatut pissarsiarisimavaa.
- Hurtigruten angalatitseqatigiiffiit allat assigalugit coronap nunarsuarmi tuniluunneranit sakkortuumik eqqugaasimavoq. Aamma Kalaallit Nunaanni anguniakkatsinnut eqquisimavoq, Hurtigrutenip VP PR-iani Kommunikationianilu sulisoq Rune Thomas Ege Sermitisaq.AG-mut ilisimatitsivoq.
- Nuummi akunnittarfiliornissamik allanillu sammisassaqartitsisarnissamik pilersaarutit aalajangiussimaneqarput, naak nunarsuarmi tuniluuttoqarnera pissutigalugu taakku kinguaattoorfiugaluartut. Qaqugorpiaq niariaqqaartoqassanersoq oqaatigissallugu siusippallaaqaaq, suliarli suli ingerlapparput aamma najukkami oqartussat oqaloqatigilluartarpavut, attaveqaqatigiittarnermi pisortaq ilanngussilluni oqarpoq.
Tikittarfissatut pingaarnerpaaq
Rune Thomas Egep erseqqissaatigaa, Hurtigrutenimit Kalaallit Nunaat nunatut periarfissagissaartutut isigineqartoq, aamma ”Hurtigrutenimit Kalaallit Nunaat siunissami tikittarfissatut pingaarnerpaatut isigineqartoq”.
- Angallassisarnerup - Nuummi Kalaallillu Nunaanni - attanneqarsinnaasumik ineriartortinneqarnissaanut peqataaniarluta anguniagaqarpugut. Anguniagaqarnitsinni najukkami naleqartitseqataalerlutalu ukioq naallugu suliffissaqartitsilissaagut, taakku erseqqissaapput.
Attaveqaqatigiittarnermi pisortap oqaatigisinnaannginnerarpaa, Hurtigruten ukioq manna Kalaallit Nunaannut takornariartitsisinnaassanersoq, taamaaliortoqarsinnaanersormi qulakkeerlugu maanna oqaatigineqareersinnaanngimmat.
Toqqissisimasoqarnissaa pineqartoq
- Kalaallit Nunaannut 2021-mi angalatitsisoqarsinnaaneranut killilersuinerit kisimik aalajangiisuunngillat. Angalasinnaaneq periarfissaannaassanngilaq, aammali angalaneq toqqissisimaffiusariaqarpoq, taanna erseqqissaavoq.
Rune Thomas Ege 2022-mut tunisaqarsimaneq pillugu imatut oqarpoq:
- Ajunngilluinnartutut isikkoqarpoq. 2020-mi angallassinissanik tamanik taamaatitsiinnarsimareerluta uteqqinnissatsinnut qilanaarpugut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...