Skip to main content

Hurraa, ajugaavugut

Tallimanngormat ualikkut Nuuk Centerimi Nerisassanik Eqqaannginnissamik unammisitsinermi Atuarfik Hans Lyngemi atuartut tallimat ajugaagamik nuannaaqaat

Nerisassanik eqqaaginnarnersuup, nunarsuarmi tamarmi annertusigaluttuinnartup, killilersimatinnissaanik Nuuk Centerimi sammititsilluni pisoqartitsinermik suleqatigiipput NAPA, Pisiffik aamma Nuuk Center. Unammisitsinermi holdit unammissutigaat mamartunik nerisassiorneq nerisassiassanik, holdinut tunniunneqartunik, sapinngisamik annikinnerpaamik igitsilluni.

Holdit peqataasut sisamat tamanna unammissutigalugu igapput. Holdit tassaapput Nuussuup Atuarfiani (NUUS), Atuarfik Hans Lyngemi (AHL), Atuarfik Samuel Kleinschmidtimi (ASK) aamma Nuuk Internationale Friskolemi (NIF) atuartut.

Atuartut suliaminnik pimoorussilluaraluartut aamma illarnissamut nuannisarnissamullu piffissaqarpoq. Unamminermut piffissaliussaq naajartulermat atuartut arlallit iggarissuunertik takutippaat.

Dommerit pingasut Krissie Berthelsen Winbergip, Lisberth Karline Poulsenip aamma Michael Rosingip isumaqatigiissutigaat holdimik iggarinnerpaamik toqqaanissaq ajornakusoorsimasoq. Holdit sisamat tamarmik kusanartumik igasimapput, igaavi illinnarpasillutillu mamaqalutik. Holdi ajugaasoq pointimik ataatsimik siuarluni ajugaavoq. Holdilli tamarmik nerisassiassatik atorluarnerusinnaagaluarpaat, nerisassiassaq mamartoq maangaannaqqunagu.

Tamatuma kingorna isiginnaartut amerlasuut nerisassiat qalarlaat nerrippaat. – Imaasiallaasaannarlu nungupput.

Meeqqat mikinerit unammisinneqarput, tassani titartakkat tunniunneqartut akornanni makitsisoqarluni. Inersimasut kiliortortakkanik unammisinneqarput. Akissarsiassanik tunisisuupput Milik Publishing, Ittu Net, Legekæden aamma IQ Naasut.

Pisoqartitsineq tamanna NAPA-p Nuummi sapaatip akunnerata ingerlanerani meeqqat atuarfianni pisoqartitseqattaarnerata annersaraa, tamatumani workshops-it ingerlanneqarlutillu qanoq nerisassanik eqqaannginnissaq paasissutissiissutigineqarluni.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER