Hudson Land assiliorneqartariaqarpoq
Aasaq manna GEUS-imiit ilisimatuut Aatsitassanullu Naalakkersuisoqarfik Hudson Landiliassapput sumiiffimmi ujarassiornikkut pisuussutit assiliorniarlugit. Nunap assingi nutaat aatsitassarsiorfinnut aningaasaliisinnaasunullu pingaartuupput.
Tunumi Daneborgip kujammut kitaani 100 kilometerit missaanniittumiippoq Hudson Land. Sumiiffik ujarassiornikkut imaannaanngitsuuvoq, taamaattumik GEUS Aatsitassaqarnermut Naalakkersuisoqarfik suleqatigalugu aalajangerpoq sumiiffik assiliorneqassasoq. Assiliornissaq pingaartuuvoq aaatsitassarsiorfiit aningaasaliisartullu soqutiginnissinnaasut kajungilersinniarneranni, GEUS-imi naalagaaffimmi ujagassiooq Stefan Bernstein oqaluttuarpoq.
Aviisi Sermitsiaq taama allappoq.
Suliniut 2018-imi ilisimatuussutsikkut suliniutitsinnik ingerlatitseqqiineruvoq, taamani Aatsitassanut Naalakkersuisoqarfik suleqatigalugu Wollaston Foreland Clavering Ø-lu assiliorneqarmata. Taamanikkut aalajangerneqarpoq aamma Hudson Land misissoqqinneqartariaqartoq, aatsitassarsiornermut atatillugu soqutiginartupilussuummat, sumiiffilli aamma imaannaannani. Tassani kanngussaqarnera, tin-eqarnera wolframeqarneralu takussutissaqarpoq, aammali allanik peqarsinnaavoq, taamaattumik ukioq manna aappaagulu sumiiffimmi suliniarluta pilersaarutigaarput.
Sumiiffinni sulineq qalipaatillu atorlugit assit
Pilesaarutaavoq Hudson Land 1:100.000 atorlugu assiliorneqassasoq. 1:100.000 atorlugu nunap assingani 1 centimeteri 1 kilometeriusarpoq. Nunap assiliornera GEUS-ip suliaasa ilagaat pingaarutilik, qaarsut assililiornissaat pineqarmat pinngoriartornerisalu oqaluttuassartaat aatsitassanngoriartornerallu paasillugu.
Aviisimi Sermitsiami atuarnerusinnaavutit. Aviisi uani pissarsiariuk: