Hudson Greenland suliffissat pillugit paasissutissiissaaq

Hudson Greenland-ip ataatsimiinnermi innuttaasut, suliffissarsiortut kiisalu suliffeqarfiit namminersortut aatsitassarsiorfik pillugu killiffimminnik nassuiaateqarfigissavaat.

Qeqqata Kommunia allapoq.

2018-mi ammassaaq
Hudson Greenland-ip Kalaallit Nunaanni aatsitassarsiorfiit ingerlasut aappaat 2018-ip aasaarnerani ammartussanngorpaa, tassani Anorthosit (glasfiberiliassaq) Kangerlussuarmi Qeqqata Kommunianiittumi piaassallugu.

Qeqqata Kommunianiittumi piaassallugu. Aatsitassarsiorfiup ammarnissaa maanna periareersarlugu ingerlanneqarpoq tassani Namminersorlutik Oqartussat Qeqqatalu Kommunia peqataallutik, tusagassiutinut nalunaarummi ilisimatitsissutigineqarpoq.

Suliffissaqartitsineq
- Qeqqata Kommuniata Hudson Greenland-imik suleqateqarluarnini nuannaarutigeqaa, kommunimmi annermik nuannaarutigaa aatsitassarsiorfissaq suliffissarsiortunut suliffissaqartitsissammat aammalu suliffeqarfinnut Qeqqata Kommunianiittunut aatsitassarsiorfimmut sullisserusuttunut periarfissiissammat, kommuni allappoq.

Tassunga atatillugu Hudson Greenland aamma Qeqqata Kommunia innuttaasunik Sisimiuni Maniitsumilu suliffissarsiuussisarfinni ataatsimiisitsiniarput:

• Sisimiut marlunngorneq 30. januar 2018 nal. 17.00 – 19.00 Majoriami
• Maniitsoq sisamanngorneq 1. februar 2018 nal. 17.00 – 19.00 Majoriami