Hudson Greenland kinguaattoortoq
Hudson Resources Inc.-imi pisortanngortoq Jim K. Cambon siulersuisullu siulittaasuat Flemming Knudsen Nuulialerput siunissami ingerlatsinissaminnut pilersaarutertik Namminersorlutik Oqartussanut oqaloqatiginnissutigiartorlugu.
Hudson Greenlandip suliarinnittarfiani aserorteriviup motooriata ajoquteqarnera pissutaalluni aatsitassarsiorfimmi tamakkiisumik tunisassiulernissamut pilersaarutit sapaatip-akunnerinik arfineq-pingasunik kinguaattoorput, Sermitsiaq allappoq.
– Tuniniaasoq ilisimatinneqarpoq aserorteriviullu motoorissaanik eqqortunik tikisitsinissamut ikkussuinissamullu aningaasartuutissat tamarmik matussuserneqarlutik, pisortaq Jim K Cambon tusagassiuutitigut nalunaarummi allappoq, ilisimatitsissutigalugulu aatsitassarsiorfiup ingerlatsinerata aallartinnissaa sapaatip-akunnerinik arfineq-pingasunik kinguaattoortoq.
– Tamatuma malitsigisaanik Hudson Resources aningaasanik sulinermut atorneqartussanik pisariaqartitsisoqarneranik misissuileruttorpoq, Jim K. Cambon nassuiaavoq itisiliillunilu.
- Aningaasat sulinermut atorneqartartut tassaapput ulluinnarni ingerlatsinermi pisariaqartitavut, tamatumalu kingorna aningaasanut tunisinermit isaasunut oqimaaqatigiissaarneqartartut. Tunisaqarnermit isertitaqalernissatta tungaanut aatsitassarsiorfiup ingerlannissaanut aningaasanik naammattunik immikkoortitsisimavugut, kisianni qaammatinik marlunnik kinguaattoornerup allanillu immikkut aningaasartuuteqarnerup kinguneranik ingerlatsinerup ingerlaannarnissaa qulakkeerniarlugu aningaasanik amerlanerulaartunik pisariaqartitsissaagut.
Allaaserineqartoq tamakkiisumik aviisimi Sermitsiami atuaruk. Aviisi uani pisiarineqarsinnaavoq: