Nuuk
Hotel Hans Egede iluarsartuunneqareerluni naammassisoq
Nunatsinni hotelini ataatsimiititsisarfinnilu anginerpaaq 13.500 m2-nik angissuseqalerpoq
75 million koruunit.
Nuummiittup Hotel Hans Egedep iluarsartuunneqarnera taama akeqarpoq.
Hoteli ukiuni marlunni iluarsartuunneqareerlunilu ilaneqareernermi kingorna naammassivoq. Nutaamik aamma ataatsimiittarfittaarpoq.
- Nunani avannarlerni hotellit ataatsimiittarfillit unammillersinnaalerpagut, Hotel Hans Egedemi pisortaaneq Jørgen S. Bay-Kastrup oqarpoq.
Hotel Hans Egede sisamanngorlugu suliarineqartareerpoq. Hotellip naqqa 1987-mi naammassivoq, qeqqarleq 1990-mi kiisalu kingulleq 2008-mi naammassilluni.
2013-mit aallartittumik iluarsartuussinerit aallartinneqarput. Hoteli nutaamik isikkoqalerpoq, ineeqqat nutarterneqarput kiisalu nutaamik 1.600 m2-rimik annertussusilimmik ataatsimiittarfittaarluni.
Ineeqqat nutarterneqarput aamma timigissartarfeqalerpoq
Hoteli tamaat 13.500 m2-nik angissuseqalerpoq 80-nillu sulisoqarluni.
Ataatsimiittarfittaaq nutaaliaavoq nutaanertaamik atortorissaaruteqalerluni.
Ineeqqat 156-it nutarterneqarput, kiffartuussineq pitsaanerulerpoq kiisalu nutaanik periarfissiissuteqarlerluni. Tassami hoteli timigissartarfittaarpoq nutaanik atortorissaarutitalinnik. Aamma hotelimi unnuisut sukkanerusumik internetsersinnaalerput.