Holmip Illua: Erfalasoq qeqqussanik apummillu assiliartalik

Holmip Illua nutaamik erfalarsortaarsimavoq, erfalasoq eqqumiitsuliortup koreamiumit danskimillu kingoqqisup Jette Hey Jin Mortnesenip sanaaraa. Eqqumiitsuliortup Gudrun Haslep erfalasualiatut eqqumiitsuliap suliarineqarnissaa isumagisimavaa.

Slow Liquid (seererusaartoq) Nuutoqqamiittumi Holmip Illuata silataani kingullertut erfalasuliunnerqarsimasumut taaguutaavoq.

Nuummi eqqumiitsulianik saqqummersitsiviup erfalasoq eqqumiitsuliortorlu pillugit tusagassiorfinnut nalunaaruteqarnermini oqaluttuaraa:

Erfalasuliinissamut tunngaviusut

- Hye Jin Mortensenip eqqumiitsuliai qaleriiaanngorlugit suliaasarput. Qeqqussanik apummillu allaaveqarluni erfalasumi ”Anaanaga” allaqqavoq. Erfalasoq assigiinngitsunik marlunnik aallaaveqarpoq. Siullermik meeqqat kalaallit 1950-ikkunni immikkut toqqagaallutik ilaquttaminniit peerneqarnerat pillugu 2020-mi Danmarkimi naalakkersuisut akisussaanerminnik akuersinerat aallaavigivaa, atasumillu ullumikkut meeqqat kalaallit 1950- ikkunniit 1970-ikkut tungaannut qallunaanit aappariinnit
meeravissianngortinneqartarsimanerisa oqallisigineqarnerat aallaavigalugu.

- PAappaattullu Jette Hye Jin Mortensenip meeraqqaatiminut anaananngorami
DNA-testernera aallaaviuvoq. Meerarsiartaarineqarami siullertut Koreameersuusoq testip takutippaa, aammali procenterpaalutigut japanimeersuusoq takuneqarsinnaasimavoq. Qanga Japanip aamma Koreap oqaluttuassartaat aattaqaqaaq.

Kolonial vold i blodet

- Koreamiillunga buddhistit naalaffii qisuusut pulaarlugit allagartaanni allaqqasarput: burned down by Japanese, restored in, Hye Jin Mortensen oqarpoq. Nangillugu oqarpoq,
nunasiaateqarnerup aqqani nakuuserneq saassussinerillu aavani takuneqarsinnaasut.

- Soorunami misigissutsikkut ataatsimoorlunilu ikiligaanerit nunap, immap, inuullu sananeqaatai soqutiginngilaat: nunap ilaanut nutaanut aanaarusaarput/koorusaarput, soorlu slow liquid (seererusaarput). Qanga qangarsuaq qeqertat ilaanni Japaninngorumaartuni, immap bakteeriaaneersoq enzym ”Zobelli galactanivorans” inuup naavatigoorluni
inuup sananeqaataanut pivoq. Enzymi immap naasuinit qeqqussanillu inuussutissartalinnik iioraasinnaavoq. Soorlumi imarsuaq inuup timaanut pulaannavittoq, Jette Hye Jin Mortensen allappoq. Aamma oqaluttuarineqartarpoq, qanga inuit arferit alaatsinaattaraat. Arferinngooq piaqqigaangamik piaqqatik inuussutissaqartikkumallugit immap naasuinik
qeqquarpassuarnillu nerisarput. Tassunga ilisimannilernerup Koreami qeqqussanik anaanganngorlaanut suppaliaq miyeok-guk ileqquliutsissimavaa.

Maajip naanerani erfalasoq eqqumiitsuliaq kingulleq Holmip Illuata saavani nivinngarneqassaaq

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...