Skip to main content

Høegh-Damip angallataataanit umiusimasumit dieseli kuuttoq

Avatangiisinut tunngatillugu oqartussat Kim Høegh-Damip angallataataa Qaqortup eqqaani arfininngormat unnukkut umiusimasoq nakkutigilluarpaat.

”Narluneq”-miit dieselimik imaanut kuuttoqarpoq, ikummatissarli kuuttoq oqimaannerusuunngimmat ernumanartoqarani. Dieseli ikummatissani oqinnerusut ilagaat, aalanngupallattarluni avatangiisunullu ataavartussanik ajoqusiisarani.

- Umiarsuit angallatillu allat umiusimasut soorunami nakkutigilluartarpagut, avatingiisillu innarlerneqannginnissaat nakkutigisarlugu. Angallat ningittagarsortoq hydraulikkip uuliaanik motoorilluunniit uuliaanik maannamut uuliakuunngilaq, Avatangiisinut naalakkersuisoqarfimmi pisortaq Mette Skarregaard Sermitsiaq.AG-mut ilisimatitsivoq.

Ullormut ataasiarluni alakkarneqartarpoq

Qaqortumi upalungaarsimasut ullormut ikinnerpaamik ataasiarlutik angallammut umiusimasumut alakkaasarput, qanoq inissisimalersimanersoq alapernaallugu. Nakkutilliinerminni qulakkeertarpaat uuliamik oqimaannerusumik uuliakuulersimannginnersoq.

- Dieselimik annikitsumik kuuttoqartoq upalungaarsimasut nalilerpaat, takuinnarlugu annertunerorpasissinnaagaluartoq, annikitsuinnarmik uuliakoorpoq, naalakkersuisoqarfimmi pisortaq nassuiaavoq.

Upalungaarsimasut pisortaat Peter-Erik Thomsen Sermisiaq.AG-mut ilisimatitsivoq angallat dieselimik 30.000 literinik, hydraulikip uuliaanik 6000 liiterinik aamma motoorip uuliaanik 300 liiterinik imaqartoq.

- Angallammiit dieselimik ullormut liiterinik pingasut tallimallu akornanni anneertussuseqartumik kuuttoqartoq nalilerpara, Peter-Erik Thomsen, angallammut nakkutilliiartoqqammersoq ilisimatitsivoq.

Angallat ajoqusersimanngilaq

Upalungaarsimasut pisortaat ilisimatitsivoq angallat sukkulluunniit putusimanngitsoq.

Ilimagineqarpoq angallat nuumigut ikkarlummut ikkarlissimasoq, uerneranilu angallat immassimasoq kinngullunilu.

- Angallatip tankii orsussaajarlugit imaarneqalerpata angallallu qaqinneqalerpat aalajangersimasunik iliuuseqartoqartussaavoq. Uuliakoornissap minnerpaatinnissaa pingaaruteqarpoq, angallatip qaqinneqarnerani avatangiisit innarlerneqannginniassammata, Mette Skarregaard Pedersen nassuiaavoq.

Europamukartoq

Angallat ningittagarsortoq Iluliaq Seafoodimit pigineqarpoq, ingerlatseqatigiiffillu Kim Høegh-Damimit aningaasaliisartuniillu spanskiusunit marluusunit ingerlanneqarluni. Angallat – paasisat naapertorlugit - Danmarkimut amutsivimmukaanneqaraluarpoq, paasissutissalli uppernarsisinnaasimanngilagut Kim Høegh-Damip Sermitsiaq.AG oqaloqatigerusunngimmagu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER