Høegh-Damip angallataa suli nunamut qaqinneqarsimanngitsoq

Narluneq ningittagarsuut siorna septemberip 14-iani umiiarpoq, sulilu Qaqortup eqqaaniilluni. Angallalli nunamut qaqinneqassaaq, avatangiisinut tunngatillugu oqartussat erseqqissaapput.

Angallat Narluneq Iluliaq Seafoodimit, Kim Høegh-Damimit piginneqataaffigineqartumit pigineqartoq imaanit qaqinneqartussaavoq, sillimmasiisarfillu qaqitsisussarsiulersimalluni, Avatangiisinut Naalakkersuisoqarfik ilisimatitsivoq.

Avatangiisinut tunngatillugit oqartussat ikummatissat tamaasa angallammiittut ukiortinnagu piiarsimavaat, taamalu dieseli 30.000 liiteri, hydraulikolie 6000 liiteri motoorimullu uulia 300 liiteri imaanik mingutsisisinnaanerat pinngitsoortissimallukku.

Imaanit qaqitsisussarsiorneq

- Qaqitsisussamik toqqaanissaq aggustusip arfineq-aappaat nallertinnagu pissasoq naatsorsuutigineqartoq, Avatangiisinut Naalakkersuisoqarfik Sermitsiaq.AG-mut ilisimatitsivoq.

Taamaalilluni naalakkersuisoqarfimmit naatsorsuutigineqarpoq, umiiarnikoq aggustimi/septemberimi qaqinneqareersimassasoq.

Powered by Labrador CMS