Høegh-Damikkut kilisaataannut annertuumik aserorterisoqartoq
Kilisaammut Narlunermut angut inuusuttoq aserortererujussuarsimasutut pasisaasoq politiinit tigummigallarneqarpoq. Kilisaat Iluliaq Seafoodimit pigineqarpoq - spaniamiut aningaasaatillit saniatigut Kim Høegh-Damimit ingerlanneqarpoq
Kilisaammut aserortererujussuartoqarsimaneranik Narsami politiit nalunaarfigineqarput aggustip pingajuani. Annertuumik aserorterisoqarsimasoq politiit naliliipput, kilisaammi pigisat arlallit nalituut annaaneqarsimallutik.
Uuliaqarfimmut dieseleqarfimmullu sukkunik kuisisoqarsimasoq politiit Sermitsiaq.AG-mut ilisimatitsipput. Aquttarfimmi elektroniskimik atortut aamma aserorterneqarsimasut ilisimatitsissutigineqarluni.
Septembarip 26-ani eqqartuussinissaq
Politiit misissuereernerisa kingorna angut inuusuttoq aserorterisimasutut unnerluunneqassasoq aalajangerneqarpoq. Angut septembarip 26-ata tungaanut politiinit paarigallarneqassaaq.
Angutip inuusuttup aserorterisimasutut tigummigallarneqarpoq.
Kim Høegh-Dam Sermitsiaq.AG-mit oqaluunneqarpoq:
- Suliamut oqaasissaqanngilanga, suliaq pillugu taama oqarpoq.
Innuttat qimaannarneqartut
Kilisaammi innuttat niusitaasimanerat kingorna aserorterisoqarpoq. Innuttat kujataaneersut Tasiilami niusinneqarlutik.
Innuttat namminneerlutik kilisaammit niunissartik aalajangersimagaat kilisaammi aqutsisisuusup Sermitsiaq.AG-mut nalunaarutigereerpaa.