Skip to main content

Hip-hop-imik tango-mik ballet-imilluunniit qitigit

Qitinnermik festivali OuterVision ukiut sisamassaa qititsitsissaaq. Siullermik Paamiuni

Ukioq manna Paamiuni, Nanortalimmi, Narsami, Narsarsuarmi, Qaqortumi Nuummilu qitsitsisoqassaaq.
– Hip Hop-imik, musical dans-imik, tango-mik, uaaeernermik allarpassuarnillu qititsitsinermi peqataajartorit, taamatut OuterVision-imi pisortaq Susanne Andreasen kajumissaarivoq.
Sinerissami pingaartumik meeqqat inuusuttullu sammineqassapput, Nuummili Katuami inersimasut aamma peqataasinnaapput misilissinnaallugit uaaeerneq, ballet, tivaneq aamma tango.
– Ilumoorupparput oqaraangatta OuterVision kikkunnut tamanoortoq tamannalu nangeqqissavara. Børnehjemmimiut tamaasa aggiunneqarsinnaapput, imaluunniit timersoqatit nutaamik misileeqatigineqarsinnaapput, ikinngutiginerpaat qaaqquneqarsinnaapput imaluunniit ilaqutariit tamarmik festivalimut peqataasinnaapput, qitinnermillu misilittagaqartariaqanngilaq.
Akissarsiutigalugu qitittartut arfinillit ilinniartitsisuussapput. Nunatsinnilu qitittariaatsini pineqartuni qittarinnerpaat ilagaat.
Taakkua ilagaat Alexander Montgomery-Andersen, OuterVision-ip ukiuni sisamani atuunneqarani tamani peqataasimasoq, taannalu contemorary/modern dance-mik ilinniartitsissaaq. Ilinniartitsisut allat pingasut aamma ilinniartitsisuusimapput, tassa Varste Berndtsson, uaaeerneq, Charlotte Andreasson, jazz aamma Henriette Olsen, Hip Hop aamma House. Ukioq manna ilinniartitsisut nutaat marluupput, tassa Robert "Hivshu" Peary, tivanermik ilinniartitsisussaq aamma Kristoffer Solberg, ballet-imik ilinniartitsisussaq. Kristoffer Solberg inuusukkaluarluni (22-nik ukioqarpoq) musicaldance-mik isiginnaartitsinermillu misilittagaqarpoq Norge-milu piukkunnaatilittut nersornaaserneqaqqammerluni. Programmi tamaat takusinnaavat linki atorlugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER