Politikki
Hermann Inatsisartunut qinigassanngortilersaarpoq
Ukiut 18-it borgmesterioreerluni aamma ukiut 34-t kommunimi politikerioreerluni Hermann Berthelsen Inatsisartunut tullissanut qinigassanngortinniarluni maannakkut eqqarsarpoq
Kommunimut qinigassanngortinniarani nalunaaramili ukiut 18-it borgmesterioreerluni borgmesteriujunnaaruni suleriniarluni pilersaaruteqarani oqartarpoq.
Maannakkulli Hermann Berthelsenip (S) siunissami sunik pilersaaruteqarnini Sermitsiamut paasissutissiissutigai.
Atuaruk: Borgmesteri qinigassanngorteqqilinngitsoq
Marlunnik qinigaaffeqartarneq akerlerivaa
– Peqqikkuma aamma allat naleqqussorippannga Inatsisartunut tullianut qinersisoqalerpat qinigassanngortissinnaanera eqqarsaatigivara. Borgmesteriutigaluni, imaluunniit kommunalbestyrelsimut ilaasortaajutigaluni Inatsisartunut ilaasortaa- soqarsinnaanngilaq.
- Tamanna akerleriuaannarsimavara. Ukiuni 34-ni utaqqereerlunga tulliani Inatsisartunut sassarnissannut periar ssaqalissaanga. Tamanna eqqarsaatikkut ornigiuaannarsimavara, atagu ullut ataasiakkaarallartigit, Hermann Berthelsen Sismiuni borgmesterip allaffianit oqarpoq.
Atuaruk: Borgmesteri: Nuuk kajungernassuseqaqaaq
Taaguulluarneqartuaannarsimavoq
Hermann inuttut taaguulluarneqartuaannarsimavoq aamma tamanna taama ukiuni amerlatigisuni borgmesteriusimaneranut pissutaavoq. 2013-imi kommunimut qinersinermi kingullermi 514-inik inuttut taaguunneqarpoq.
Inatsisartunut qinigassanngortissaguit taava suut qineqqusaarutiginiarpigit?
– Manna taamanikkornissamut qilanaartuutigiinnarallartigu, illarluni oqarpoq.
Allaaserisaq Sermitsiami pisiniarfinni pisiarineqarsinnaasumi tamakkerlugu atuarsinnaavat. Ugguuna aamma aviisi pisiarisinnaavat: