Skip to main content

Hermann Berthelsen: Taamaattumik mittarfissuarnik suliniut ajutooratarsinnaavoq

Inatsisartut Aningaasaqarnermut Akileraartarnermullu Ataatsimiititaliaata siulittaasua, Hermann Berthelsen, S, Nuummi Ilulissanilu mittarfissuarnik sanaartornissamik suliniutip aningaasaqarnikkut sippuerujussuarsinnaaneranik mianersoqqussuteqarpoq. Berlinimi mittarfissuassaq 17 milliarder koruuninik akeqartussatut missingersuusiorneqarsimagaluartoq 44 milliarder koruuninik akeqartussanngorpoq ukiunillu arlalissuarnik kinguaattoorluni. Nunatsinni assingusumik pisoqarsinnaasoq, naliliivoq.

– Kalaallit Nunaat missingersuutinik sippuerujussuartoqarsinnaanera suullu tamarmik aqunneqarsinnaajunnaaratarsinnaanerat pissutigalugit mittarfissualiornernik suliniummi aningaasaqarnerup aqunneqarsinnaajunnaarneranik inissisimaleratarsinnaavoq.

Mianersoqqussut uissuumminartoq nunatsinni politikerit misilittagartunerpaat ataqqineqarnerpaallu ilaannit, Hermann Berthelsenimit, Aningaasaqarnermut Akileraartarnermullu Ataatsimiititaliamut siulittaasuusumit, oqaatigineqarpoq.

Missingersuutinik sippuinerit

Suliniuterujussuit qanoq ajutoortigisinnaanerannut nunarsuarmi sumiiffippassuarni assersuutissarpassuaqarpoq. Berlinimi mittarfissuaq Berlin Brandenburg International Airport ukiunik arfineq-marlunnik kinguaattooreerluni paatsiveqanngitsumillu ingerlanneqareerluni oktpobarimi 2020-mi ammartussatut ilimagineqalerpoq. Tysklandimi mittarfissuassaq 17 milliarder koruuninik akeqartussatut missingersuusiorneqarsimagaluarluni 44 milliarder koruuninik akeqartussanngorpoq. Suliniut Europami sanaartornikkut kanngunartuliat immaqa annerpaartaattut oqaatigineqarsimavoq.

- Tamatuma Kalaallit Nunaanni assigissagaluarpaa, Nuummi mittarfissuassap 1,7 milliarder koruuninik akeqartussatut missingersuusiorneqarsimasup 4,4 milliarder koruuninik akeqalernera, tassa Kalaallit Airports Internationalip aamma sanaartornermik ingerlatsisussap Munck Gruppenip akornanni isumaqatigiissut suliarineqarnerlussimappat aqunnerlunneqarpallu, Hermann Berthelsen oqarpoq.

Inatsisartuni Aningaasaqarnermut Ataatsimiititaliami amerlanerussuteqartut Inatsisartut immikkut aningaasaliissuteqartariaqarnissaannik ernummatiginnipput. Taamaattumik siulittaasup Hermann Berthelsenip Naalakkersuisunut siunnersuutigaa, Kalaallit Airports missingersuutinik sippuisinnaaneq eqqarsaatigalugu aarlerinaatinik nalilersuinermik suliaqartussanngortinneqassasoq.

Tamanna pillugu aviisimi Sermitsiami paasisaqarnerugit – uani ataani aviisimut isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER