Henrik Leth: Naalakkersuisut aalisarneq pillugu inatsimmi maleruagassanik unioqqutitsipput
Naalakkersuisut ingerlatsisunut soqutiginnittunutTunumi saarullittassiissutinik 5.000 tonsit sinnilinnikneqeroortitsinermikkut maleruagassanik ilaginnaapput.Taama Sulisitsisuni aalisarneq pillugu ataatsimiititaliapsiulittaasua Henrik Leth isumaqarpoq.
Naalakkersuisut Tunumi 2023-mi saarullittassiissutinik 5.500 tonsinik suluppaagartassanillu 400 tonsinik ingerlatsisunit soqutiginnittunit neqeroorfigineqarsinnaasunik tamanut ammasumik neqeroortitsinermikkut nalunaarummi nunatsinni aalisarneq pillugu inatsimmut attuumassuteqartumi maleruagassanik unioqqutitsipput namminerlu maleruagassiorsimallutik.
Taama Sulisitsisuni GE-mi siulittaasoq, kattuffimmilu aalisarneq pillugu ataatsimiititaliamut aamma siulittaasuusoq, Henrik Leth, isumaqarpoq. Aviisi Sermitsiaq taama allaaserisaqarpoq.
– Neqeroortitsinissamik siunnersuutigineqartoq Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaannut nr. 47, 18. december 2020-meersumut naapertuutinngilaq, Henrik Leth oqarpoq.
Nalunaarummi paragraf 12-imi pisassiissutinik agguaassinermut atugassarititaasut pingasuupput:
1. Pisassiissutit siullermik aalisariutaatileqatigiiffinnut ukiuni siusinnerusuni taakkuninnga pisassaqarsimasunut agguaanneqassapput.
2. Imm. 1, nr. 2 naapertorlugu, agguaassereernerup kingorna pisassiissutit sinneqassagaluarpata, taakku siullermik aalisariutaatileqatigiiffinnut pioreersunut allanut amerlanerusunik pisassaqarsinnaanermik pisartitsisinnaasunut agguaanneqassapput.
Imm. 1, nr. 2 naapertorlugu pisassiissutit agguaanneqarneranni pisassiissutit nalingi aallaavigineqassapput, taamatullu aamma siullermik aalisariutaatileqatigiiffiit aningaasaqarniarnikkut imminnut napatissinnaanerisa qularnaarneqarnissaa, kiisalu aalisariutaatileqatigiiffiit pioreersut akornanni nalillit naligiinnerusumik agguataarneqarnissaat isiginiarneqassallutik.
3. Aalisariutaatileqatigiiffinnut nutaavinnut pisassiisoqassanngilaq, taakku ukioq ilivitsoq aningaasaqarniarnikkut imminut napatissinnaasumik aalisarsinnaanissaat qularnaarneqarsinnaanngippat.
Tusagassiuutitigut nalunaaru
Neqeroortitsineq Naalakkersuisunit sapaatip-akunnerani kingullermi pingasunngornermi apriilip 5-ani, inuppassuit poorskimut sulinngiffeqalersimaneranni, tusagassiuutitigut nalunaarut aqqutigalugu tamanut saqqummiunneqarpoq.
Saarullinnik 5.500 tonsit sinnilinnik suluppaakkanillu 400 tonsit sinnilinnik pisassiissutinik tunineqarnissamut ilaassagaanni qinnuteqartut ilaatigut aalisariutaateqassapput Kujataani angerlarsimaffeqartumik Tunumi tunisassiorfimmik pilersitsissallutik siunissamilu ungasinnerusumi Kujataani tunisassiorfimmik pilersitsissallutik. Ingerlatseqatigiiffik pisassiissutinik tunineqartoq saarullittarineqartut 25 procentiinik tulassisarnissamut pisussaaffeqassaaq.
Tunumi avataasiortunut saarullinnik suluppaakkanillu pisassiisutinik neqeroortitsinermut qinnuteqaatit Aalisarnermut Piniarnermullu Naalakkersuisoqarfimmit tiguneqareersimassappat kingusinnerpaamik maajip 4-ani.
Allaaserisaq tamaat Sermitsiami uani sapaatip akunnerani saqqummertumi atuaruk. Uani isissutissarsigit: