Skip to main content

Henrik L. Hansen: Innuttaasut 8.000-it sinnilaarlugit perulussutigisinnaasaminnik tunillatsiasuupput

Innuttaasut anigorsinnaanngisaminnik nappaateqartut utoqqaallu katillugit 8.000-it sinneqarput. Taakkulu coronavirusimik tunillatsikkunik perulullutik napparsimalersinnaapput.

Nakorsaaneq Henrik L. Hansen naapertorlugu inuit 3.200-t missaanniittut anigorsinnaanngisaminnik nappaateqarput, innuttaasullu 5.000-it ataatilaarlugit 65-inik ukioqarlutik. Taakku coronavirusimik tunillatsissagunik peruluutigisaminnik napparsimalersinnaapput.

Aviisi Sermitsiaq taama allappoq.

Tassanngaannaq takkuttumik tuniluuttoqaleriasaassagaluarpat, Kalaallit Nunaanni atukkat sakkortuumik ilungersunartorsiortitsilersinnaapput; matumani pine­qaannassanngillat inuit tunillatsittut amerlassusaat, kisiannili aamma sinerissami peq­qinnissaqarfimmi sulisussat amigaleriaannaammata. Taamaammanuna Nappaatit tu­niluuttut pillugit ataatsimiititaliarsuaq Naa­lakkersuisut peqatigalugit uteqattaartuaraat oqartussaasut kaammattuutaat, peqqussutaat inerteqqutaallu tamarmik innuttaasunit tamanit malinneqartariaqartut tuniluuttoqalersinnaanera pinngitsoortinniarlugu siaruatsaaliuinissamik suliniuteqarnerminnut atatillugu.

Piffissamik pisariaqartitsivugut – piffissaq pinnassinnaasarput

Ilaatigut apeqqutigineqallattaalerpoq qaqugu nunarput avammut ammaqqinneqassanersoq, allaallu ilanngui ullulersukkanik paasisaqarusullutik kimigiisertalerput, tas­sungali tunngatillugu Nakorsaaneq avaqqutaarinani sukannersumik kaammattuuteqarpoq:

– Corona sapinngisaq tamaat Kalaallit Nunaannut apuutsinnaveersaartinneqartariaqarpoq! Kalaallit Nunaata avammut isaariai tamaasa sapinngisamik sivisunerpaamik matoqqatinneqarlik! Henrik L. Hansen taamatut kaammattuuteqarnernini imatut tunngavilersorpaa:

– Nunat Kalaallit Nunaata peqqinnissap tungaatigut suleqatigisartagai, pingaartumik Danmark nunallu avannarliit allat manna tikillugu qanorlu sivisutigissagaluarnersumik  annertoorujussuarmik unammil­ligaqarput ajornartorsiuteqarlutillu. Tuniluunneq siaruaraluttuinnarpoq, aammalu tunillatsiasut akornanni tuniluunneq atuul­luni, taamaattoqarneranilu napparsimavinni inuunerminnik navianartorsiortut tama­viaarluni katsorsarniarneqartut pisarnermit amerlanerujussuupput, pissutsillu taamaannerini nunat taakku suleqatigisartakkatta sulisui naatsorsuutigisinnaanngilagut aam­ma napparsimavinni atortui atorniarsinnaanngilagut, taamaammat pingaaruteqarluinnarpoq taakkunannga ikiorneqarsinnaanissatsinnik naatsorsuutiginnissinnaannginnitsinni piffissap nunatsinni tuniluuffiunngitsup sapinngisamik sivisunerpaamik sivitsorsarneqarnissaa, allaallu Danmarkip nunallu avannarliit allat namminneq pisariaqartitsinerisa qaangiutikannernissaata tungaanut corona Kalaallit Nunaannut isitsaaliorneqartariaqarluinnarpoq, Henrik L. Hansen nassuiaavoq.

Allaaserisaq tamakkiisoq aviisimi Sermitsiami atuarsinnaavat - aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER