Henrik Fleischer pissaanermik atornerluisutut unnerluunneqarpoq

Polar Seafoodimi pisortaanerup Jens Friis-Sallingip Aalisarnermut ataatsimiitaliami siulittaasuusimasoq isornartorsiorpaa. Pissaanermik politikkikkullu inissisimaffimmik atornerluisoqarneranik politikerimut unnerluussivoq.

Jens Friis-Sallingip Henrik Fleischer pissaanermik atornerluisutut unnerluuppaa

Polar Seafoodip pisortaanerata Jens Friis-Sallingip Inatsisartuni Aalisarnermut ataatsimiitaliami siulittaasuusimasoq Henrik Fleischer sakkortuumik isornartorsiorpaa.

- Tamanna pissaanermik atornerluineruvoq peqquserlunnerullunilu, Henrik Fleischer aningaasanik pissarsiniarluni kimigiisersimanerarlugu oqarpoq.

Aviisi Sermitsiaq allappoq.

Polar Seafoodip pisortaanera Jens Friis-Salling, Henrik Fleischerip kilisaataatileqatigiiffimmi, Polar Seafoodip taassumannga 2002-mi pisiaani, piginneqataassutinut tatisilluni aningaasanik amerlanernik pissarsiniarsimanera pillugu isornartorsiorpaa.

Ataatsimiinnerit arlallit

– Suliaq taanna qatsuttorujussuuara. Henrik Fleischer aningaasanik amerlanernik pissarsiniarsaraluni tatisiniarsarisaqattaarpoq, Jens Friis-Salling oqarpoq.

Henrik Fleisherip ingerlatseqatigiiffiik Imartuneq Trawl ApS piginneqataassutini Imartuneq Trawl ApS-imilu, Polar Seafoodimit Nuummi qullersaqartumit allaffissornikkut aqutarineqarlunilu ingerlatarineqartumilu 2002-mi 7 millioner koruuninik akilersillugit tunivai.

Jens Friis-Salling 2018-mi Polar Seafoodimi pisortaaninngorami Aalisarnermut Ataatsimiititaliaq arlaleriarluni ataatsimeeqatigaa, tassani Henrik Fleischerimut aningaasanik ikinaaraluni aningaasaliisoqartarsimanera eqqartorneqartarluni. Henrik Fleischer aningaasanik amerlanerusunik tunineqarnissani kissaatigisarsimavaa, Polar Seafoodimit peqataaffigineqarusunngitsumik.

Henrik Fleischerip isornartorsiuineq ilumuunnginnerarpaa.

Allaaserineqartut aviisimi Sermitsiami atuakkit. Aviisi uani pisiarineqarsinnaavoq:

Powered by Labrador CMS