Skip to main content

Helle Lynge danskit akissarsititsissutaannik akissarsitinneqartoq

Danmarkimi erinarsortartoq arfineq-marlunnik ukioqarluni Kalaallit Nunaanniit Danmarkimut nuukkami sungiussiniaaqqaarsimavoq.

Helle Lynge dansktoppimi akissarsitinneqarnissamut martsip 23-ani unammeqataassaaq “Årets Dansktop Hit” (Ukiumi nuannarineqarnerpaaq, aaqq.) unammissutigissallugu. Unamminermi erinarsuut ‘Du skønne Danmark' atussavaa, ajugaassagunilu Fede Finn & Funny Boyz: Jeg sku’ aldrig ha’ fortalt, jeg er single aamma Torben Lendager & The Roosters: Når vinter blir’ til sommer ajugaaffigisariaqassallugit.

Helle Lynge akissarsititsinermi aamma erinarsussaaq.

Erinarsuut ‘Du skønne Danmark' DR P5-imi siorna nuannarineqarnerpaani tallimaattut inissippoq.

Helle Lynge Svendborgimi inunngorpoq, anaanaa kalaaliuvoq ataataalu qallunaajulluni, ukiullu siulliit Kalaallit Nunaanni najugaqarsimalluni. Aataqqiia, Frederik Lynge, kalaallini siullersaalluni Folketingimi ilaasortaasimavoq. Kalaallit Nunaanni meeraanermini najugaqareerluni ilaquttani ilagalugit Danmarkimut nuuppoq.

– Anaanaga ataatagalu saniatigut ilaqutariit pingasunik ilaqarput: Angajora Astrid, ukiunik sisamanik angajulliuvoq affarmillu angajoraara, anaanammami kalaaleq angut meerartaaqatigisimavaa, katissimanatilli, taamani taama isiorneq kanngunartuusimavoq. Taava uanga tulliuvunga, nukaralu Susi ukiunik sisamanik uannit nukarliulluni inunngorpoq, Helle Lynge Familiejournalenimut oqaluttuarpoq.

Dansktoppimik akissarsititsineq Familiejournalinnimit aaqqissuunneqarpoq, Herningimilu Boxenimi martsip 23-ani ingerlanneqassalluni.

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER